პოლონეთის პრემიერმინისტრმა მათეუშ მორავეცკიმ განაცხადა, რომ რუსეთი პოლონეთისთვის მთავარი საფრთხეა. იგი ასევე არ გამორიცხავს, რომ რუსეთი უკრაინაში შეიჭრება.

„რა შეიძლება მოხდეს იმ შემთხვევაში, თუკი დონბასში ომის დროს რუსეთის არმია უკრაინის ტერიტორიის სიღრმეში შევა? ჩვენ ეს არ ვიცით და იმედი გვაქვს, რომ ასე არ მოხდება, მაგრამ მაინც თავი უნდა დავიზღვიოთ თავდაცვის მეორე და მესამე ხაზის შექმნით,“- განაცხადა მორავეცკიმ.

პოლონეთის პრემიერმა გაზსადენ „ჩრდილოეთის ნაკადი 2“-ს პოლიტიკური პროექტი უწოდა და აღნიშნა, რომ მისი გაყვანის მთავარი მიზანი უკრაინული გაზსადენების უფუნქციოდ დატოვებაა და არა რუსეთის ბიზნეს-ინტერესები.