სენატორი, რომელმაც ომში ორივე ფეხი დაკარგა, პირველი მოქმედი სენატორი იქნება, რომელიც შვილს გააჩენს

ეს საინტერესოა - 12:42, 27 Jan, 2018

2303

49 წლის სენატორი თამი დაქუორთი მალე პირველი ამერიკელი სენატორი ქალი იქნება, რომელიც სენატორობის პერიოდში შვილს გააჩენს. სამ თვეში ილინოისის შტატის დემოკრატი სენატორი შვილს ელოდება. ერაყის ომის ვეტერანმა, პოლკოვნიკ-ლეინტენანტმა თამი დაქუორთმა ორივე ფეხი ომში დაკარგა. მძიმე ჭრილობა მან ერაყში მიიღო, როცა ის ვერტმფრენის პილოტი იყო. ვარაუდობენ, რომ თამი დაქუორთის სახელი ამერიკის ისტორიაში შევა. ეს მეორე შვილია თამისა და მისი ქმრის მაიორ ბრაიან ბოულსბისთვის, რომელიც ილინოისის ეროვნულ გვარდიაში მოღვაწეობს. პირველი შვილი წყვილს 2014 წელს შეეძინა.

რაც შეეხება თავად თამის, ის ჩინელი დედისა და ბრიტანელი მამის შვილი ტაილანდში დაიბადა . თამის მამა გაეროს სამშვიდობო მისიის წევრი იყო, ამიტომ ბავშვობაში საცხოვრებელი ადგილის შეცვლა ოჯახს ხშირად უხდებოდა. ჰავაიზე სკოლის დამთავრების შემდეგ, სამხედრო მიმართულება აირჩია.
2004 წელს ის ერაყში გაგზავნეს, სადაც მიღებული დაზიანების გამო ორვიე ფეხი დაკარგა.
2006 წელს კენჭი იყარა კონგრესში, თუმცა დამარცხდა. ის ილინოისის ვეტერანთა საქმის დეპარტამენტის დირექტორად დაინიშნა. შემდეგ ბარაკ ობამამ ვეტერანთა საქმეებში მრჩევლად დანიშნა, 2012 წელს კი თამი კონგრესის წევრი გახდა.