კიევის სააპელაციო სასამართლოში მიმიდინარე საქართველოს მესამე პრეზიდენტის მიხეილ სააკაშილის პროცესზე პროკურატურის წარმომადგენლებმა განაცხადეს, რომ ნივთმტკიცებები, რომელიც მიხეილ სააკაშვილის საქმეს ეხებოდა, სახელმწიფო უშიშროების იმ მიკროავტობუსიდან გაქრა, რომლითაც დაკავებული სააკაშვილი გადაჰყავდათ.

გენერალური პროკურატურის პროკურორის ალექსანდრე გოვორუშაკის განცხადებით, სააკაშვილის ბინიდან ამოღებული მასალები ავტომობილიდან მოიპარეს, ხოლო სააკშვილი გაიქცა.

პროკურატურის ამ განცხადებაზე დარბაზში მყოფებმა მკვეთრი რეაქცია მოახდინეს! "სირცხვილია! სამარცხვინოებო!" - ისმოდა დარბაზში, ხოლო ერთერთმა აქტივისტმა პირდაპირ განაცხადა - "სად ნახეთ, რომ ის გაიქცა? ჩვენ, ხალხმა გამოიყვანა ის იქიდან!."

ამ განცხადების შემდეგ მოსამართლემ აქტივისტს დარბაზი დაატოვებინა.