ოსკაროსანი მსახიობი, ქეისი აფლეკი, რომელმაც ოსკარი გასულ წელს ფილმში „მანჩესტერი ზღვასთან“ შესრულებული მთავარი როლისთვის აიღო, 2018 წლის ცერემონიალს პროტესტს უცხადებს და საუკეთესო ქალი მსახიობის ნომინაციაში გამარჯვებულისთვის ჯილდოს გადაცემაზე უარს აცხადებს. აღნიშნული უკავშირდება აფლეკის წინააღმდეგ გავრცელებულ ბრალდებებს სექსუალურ შევიწროებასთან დაკავშირებით.

ოფიციალურად კინოაკადემიამ ამის შესახებ დასტური გუშინ გაავრცელა, აფლეკს მომენტალურად არ გაუკეთებია კომენტარი, თუმცა, მოგვიანებით ცნობილი გახდა, რომ მსახიობი 2018 წლის კინოდაჯილდოების ცერემონიას არ დაესწრება.

შოუს პროდუსერებს, მაიკლ დე ლუკასა და ჯენიფერ ტოდს, ჯერ არ გაუვრცელებიათ ინფორმაცია იმის შესახებ თუ ვინ ჩაანაცვლებს ქეისი აფლეკს.

ბრალდებები ოსკაროსანი მსახიობის მიმართ 2010 წელს ფილმის “I’m Still Here“-ს გადაღებებს უკავშირდება, ფილმის რეჟისორი თავად აფლეკი გახლდათ. მის წინააღმდეგ ბრალდებები პროდუსერმა ამანდა ვაითმა და ფოტოგრაფიის რეჟისორმა მაგდალენა გორკმა გაავრცელეს. მას შემდეგ რაც აფლეკმა გასულ წელს ოსკარი აიღო, “Boston Globe“-თან ინტერვიუში განაცხადა:

„ვთვლი, რომ ნებისმიერი უპატივცემულო მოპყრობა ნებისმიერი ადამიანის მიმართ, რა მიზეზითაც არ უნდა იყოს გამოწვეული,. მიუღებელია. ყველა იმსახურებს პატივისცემას სამუშაო ადგილსა და ნებისმიერ სიტუაციაში.“ მან დასძინა „არაფრის გაკეთება შემიძლია, გარდა იმისა, რომ ვიცხოვრო იმ ცხოვრებით, რითიც ვცხოვრობ“