პოროშენკო დასავლეთის ზეწოლით, გაზაფხულზე თანამდებობას „ჯანმრთელობის მდგომარეობის გამო“ დატოვებს

მსოფლიო - 16:04, 24 Jan, 2018

3685

უკრაინის უშიშროების საბჭოს ყოფილი პრეს-მდივანი, შს მინისტრის ექს-მრჩეველი ამჟამად კი საიტის ord-ua.com-ის მთავარი რედაქტორი სტანისლავ რეჩინსკი ფეისბუკზე სკანდაურ ინფორმაციას აჟღერებს. რეჩინსკის თქმით მოსალოდნელია, რომ გაზაფხულზე უკრაინის პრეზიდენტმა თანამდებობა დატოვოს. გაცხადებული მიზეზი ჯანმრთელობის მდგომარეობა იქნება, რეალური მიზეზი კი დასავლეთიდან ზეწოლა:

„უცნაური ჭორები დადის. სავარაუდოდ ჩვენმა პატივსაცემმა პარტნიორებმა უკვე გამოუცხადეს პოროშენკოს, რომ ის გაზაფხულზე ჯანმრთელობის მდგომარეობის გამო თანამდებობიდან მიდის. პატივისა და ხელშეუხებლობის გარანტიით. შესაბამისად პეტრო ალექსის ძე ახლა სასოწარკვეთილი ვაჭრობს და ცდილობს თავისი ხალხი ყველგან მოაწუოს. ვაჭრობს ყველაზე მეტად ახალი სპიკერით, რომელსაც ის არჩევნების დროს ძალაუფლებას გადასცემს. აქ კი ჩემი აზრით რაღაც ფანტასტიური ხდება. პოროშენკოს ძალიან უნდა და ითხოვს, რომ ლიტვინი დანიშნონ. აი ის ძველი სვავი, რომელიც ჟურნალისტ გიორგი ღონღაძის საქმეში და მსგავს შავ ამბებშია გარეული. ახალი პრეზიდენტის კანდიდატურაც საინტერესეოა. აგრარულ ქვეყანაში- აგრონომი პრეზიდენტი. რომელიც ახლა აგრარულ პარტიას ხელმძღვანელობს და რომელმაც ადგილობრივი საბჭოების არჩევნებში 7,9 მანდატის მიღება შეძლო, ეს შედეგი საკმაოდ გასაკვირია ფანტომი პარტიისთვის. მომავალი პრეზიდენტი-აგრონომის გვარია სკოციკი. სავარაუდოდ მას მაკრონის მსგავსი მოდელით შექმნიან. მთავარია რომ იულია ვერ გავიდეს. სხვათა შორის ცენტრალურ ბანკში ტიმოშენკოს არავინ ჰყავს, ვნახოთ, რაც არ უნდა იყოს მისი ბიოგრაფიის და ქმედებების მიხედვით დავრწმუნდებით რომ ის საერთოდაც არაა „ აშშ-ის პროექტი“ , არამედ ბანკირების ბანალური პროექტია, რომლითაც ტიმოშენკოს გლეხების ხმები უნდა წაართვან.“- წერს რეჩინსკი.