თავდასხმა ულან-უდეს სკოლაზე - ორი არასრულწლოვანი თანამზრახველობისთვის დააკავეს

მსოფლიო - 12:27, 24 Jan, 2018

1888

რუსეთში ქალაქ ულან-უდეში სკოლაზე განხორციელებული თავდასხმის გამო ორი არასრულწლოვანი დააკავეს. ინფორმაციას ამის შესახებ რუსეთის საგამოძიებო კომიტეტი ავრცელებს. საგამოძიებო უწყების განცხადებით 14 და 15 წლის მოზარდები, თავდამსხმელის თანამზრახველები იყვნენ. გამოძიების მტკიცებით მათ იცოდნენ თანაკლასელის გეგმების შესახებ, დაეხმარნენ მას ფეთქებადი ნივთიერების დამზადებაში, ასევე შეამოწმეს იყო თუ არა საკლასო ოთახში მასწავლებელი, რომელსზეც თავდასხმას გეგმავდნენ. ორივე თანამზრახველს ბრალი წაუყენეს, თუმცა საგამოძიებო ორგანო ბრალდების მუხლს ჯერჯერობით არ ასაჯაროებს, რაც შეეხება მთავარ ბრალდებულს მას ბრალი რამდენიმე ადამიანის მკვლელობის მცდელობსი მუხლით აქვს წარდგენილი.

შეგახსენებთ, 19 იანვარს, რუსეთში, ქალაქ ულან-უდეშის ერთ-ერთ სკოლაში მოზარდი მოსწავლეებსა და მასწავლებელს თავს ნაჯახით დაესხა. სამართალდამცავების ცნობით, მოსწავლე მეცხრე კლასელია. ის მეშვიდე კლასში ნაჯახით შეიჭრა და მოსწავლეებს დაესხა თავს. შემდეგ კაბინეტში მოლოტოვის კოქტეილი შეაგდო, ცეცხლი გააჩინა და თავის მოკვლა სცადა.

შემთხვევის შედეგად 7 მოსწავლე და რამდენიმე მასწავლებელი დაშავდა. თავად თავდამსხმელიც საავადმყოფოშია მოთავსებული, რადგან თავდასხმის შემდეგ ფანჯრიდან გადახტა.