დიდი ბრიტანეთის სამეფო ოჯახის ახალგაზრდა წარმომადგენლის 33 წლის პრინცი ჰარისა და ამერიკელი მსახიობის, 36 წლის მეგან მარკლის ქორწილი 2018 წლის 19 მაისს, ვინდსორის სასახლეში გაიმართება.
დიდი ხანია ისმის კითხვა, დაპატიჟებს თუ არა სამეფო ოჯახი ქორწილში აშშ-ის ყოფილ პრეზიდენტს ბარაკ ობამას. პრინც ჰარის აშშ-ის ყოფილ პრეზიდენტთან საკმაოდ ახლო ურთიერთობა აქვს. ისინი Invictus Games-ის დროს დამეგობრდნენ. ახლახან ჰარიმ მასთან ინტერვიუც ჩაწერა.
"დეილი მეილის" ცნობით, ქორწილში არც ბარაკ ობამას და არც აშშ-ის მოქმედ პრეზიდენტს, დონალდ ტრამპს დაპატიჟებენ,
როგორც გამოცემა წყაროზე დაყრდნობით წერს, ქორწილში ობამების დაპატიჟება კიდევ უფრო გაართულებს აშშ-სთან, კერძოდ კი დონალდ ტრამპთან ისედაც დაძაბულ ურთიერთობას. თუ გავითვალისწინებთ იმ ფაქტს, რომ მეგან მარკლი ტრამპის მიმართ კრიტიკული დამოკიდებულებით გამოირჩევა.
არ დაპატიჟებენ ტრამპსაც, რადგან წყაროს ცნობით, ქორწილში მხოლოდ ოჯახის წევრები და უახლოესი ადამიანები იქნებიან.
მასალის გამოყენების პირობები






