თავდასხმის შედეგად დაღუპულია 5 ადამიანი და დაჭრილია 6. მოხერხდა 126 ადამიანის გადარჩენა ტერორისტებისაგან, რომელთაგან 41 - უცხოელია. ამჟამად მეხანძრეები სასტუმროში გაჩენილი ცეცხლის ლიკვიდაციას ცდილობენ.
სპეცოპერაცია მთელი ღამე, დაახლოებით 10 საათის განმავლობაში გრძელდებოდა. ეს აღნიშნულ სასტუმროზე განხორციელებული მეორე თავდასხმაა, 2011 წელს "თალიბანის" მიერ განხორციელებულ ტერაქტს 21 ადამიანი შეეწირა.
შეგახსენებთ, შეიარაღებული თავდასხმა მოხდა ქაბულში. ავღანეთის ხელისუფლების ინფორმაციით, სასტუმრო ,,ინტერკონტინენტალში“ 4 შეიარაღებული პირი შეიჭრა და სტუმრებს ცეცხლი გაუხსნა. თავდასხმის დროს სასტუმროში საინფორმაციო ტექნოლოგიების თემაზე კონფერენცია იმართებოდა. თავდასხმის შემდეგ ცეცხლი გაჩნდა სასტუმროს მეოთხე სართულზე.
ავღანეთის შს მინისტრის ნაჯიბ დანიშის განმარტებით, თავდასხმა ადგილობრივი დროით 21:00 საათზე მოხდა.
მასალის გამოყენების პირობები






