ქაბულში სასტუმროზე თავდასხმისას სავარაუდოდ, ათეულობით ადამიანი მოკლეს

მსოფლიო - 00:08, 21 Jan, 2018

2478

ავღანეთის დედაქალაქში სასტუმრო " ინტერკონტინენტალში" მომხდარი თავდასხმის შედეგად, სავარაუოდ ათობით ადამიანი დაიღუპა, არიან დაჭრილებიც.

BBC-ის ცნობით, როგორც ქვეყნის შინაგან საქმეთა მინისტრმა განაცხადა, ლიკვიდირებულია ერთი თავდამსხმელი.
შეგახსენებთ, შეიარაღებული თავდასხმა მოხდა ქაბულში. ავღანეთის ხელისუფლების ინფორმაციით, სასტუმრო ,,ინტერკონტინენტალში“ 4 შეიარაღებული პირი შეიჭრა და სტუმრებს ცეცხლი გაუხსნა. თავდასხმის დროს სასტუმროში საინფორმაციო ტექნოლოგიების თემაზე კონფერენცია იმართებოდა. თავდასხმის შემდეგ ცეცხლი გაჩნდა სასტუმროს მეოთხე სართულზე.

ავღანეთის შს მინისტრის ნაჯიბ დანიშის განმარტებით, თავდასხმა ადგილობრივი დროით 21:00 საათზე მოხდა.

გავრცელდა ინფორმაცია, რომ შეიარაღებული დაჯგუფების წევრებს, სავარაუდოდ მათ მძევლები ყავთ აყვანილი. ავღანეთის შსს-ის ცნობით, შესაძლოა, თავდამსხმელებს შორის თვითმკვლელი ტერორისტები იყვნენ. სპეცნაზს სასტუმრო ალყაში ჰყავს მოქცეული.

BBC-ის ცნობით, სასტუმროს სტუმრები ოთახებში იმალებიან.

სასტუმრო ''ინტერკონტინენტალი'' ქაბულის ყველაზე ცნობილი სასტუმროა, მის ძირითად სტუმრებს დასავლეთის ქვეყნებიდან ჩასული უცხოელები წარმოადგენენ.

ეს სწორედ ის სასტუმროა, რომელსაც 2011 წელს "თალიბანი" დაესხა თავს და 12 ადამიანი მოკლა.