"სააკაშვილი აჰყვა ვნებებს და სწორედ ამან დაღუპა. მიშას საშინლად არ უყვარდა სიმართლის კრიტიკის მოსმენა, ყოველთვის სიმართლეს, რომ ვეუბნებოდი ამიტომაც ამითვალწუნა.

სხვათა შორის, სააკაშვილმა ერთი სიკეთე მეც გამიკეთა. ხელისუფლებაში ახალი მოსული იყო, როდესაც მისმა თანაგუნდელმა, საკმაოდ მაღალი რანგის მაღალჩინოსანმა თავის კაბინეტში ჩემი გაუპატურება სცადა და სერიოზული ბრძოლა დამჭირდა თავის გადასარჩენად. მაშინვე მივედი სააკაშვილთან და ყველაფერი მოვუყევი. მეორე დღესვე მოხსნა თანამდებობიდან. საბოოლოთ სააკაშვილმა დაამტკიცა, რომ მისთვს შეიძლება ქალთან ასეთი მოქცევა, სხვისთვის კი - არა", - ამბობს მოროშკინა "რაო-რაო?"-სთან ინტერვიუში. მინისტრის მრჩეველი იმ პერიოდსაც იხსენებს, როცა ის მთავრობის წარმომადგენლებთან ერთად სხვადასხვა ქვეყნიდან საერთო რეისით მოფრინავდა:

"სააკაშვილის გარდა, მისი თანაგუნდელებიც რას გულაობდნენ! ერთხელ ერთ-ერთი ქვეყნიდან მოვფრინავდი და თვითმფრინავის პირველი კლასი მინისტრებისა და სხვა მაღალჩინოსნების " ნაშობით " აივსო. ამოდიოდნენ და ამოდიოდნენ, " დუტი ფრიში " ნაყიდი ნივთებით გატენილი პარკებით. ცხოვრებაში არავისი შემშურებია, მაგრამ აღარ მინდა, ამ პელენწუკა გოგოებმა ჯიბე სახელმწიფო ბიუჯეტის ხარჯზე გაისქელონ. მეცინება მათზე, რადგან პატარ-პატარა გოგოებმა თოხები გადაყარეს, ფრანგული მანიკური გაიკეთეს, ლამაზ ჯიპებში ჩასხდნენ და "განაშდნენ", - ამბობს ლალი მოროშკინა.