დემნა გვასალია ჩვეულ ფორმაშია და ისევ ყველაფერი აურია

დემნა გვასალია ჩვეულ ფორმაშია და ისევ ყველაფერი აურია - Vetements-ის ახალი კოლექცია

შოუ ბიზნესი - 11:18, 20 Jan, 2018

6758

თუ გვგონია, რომ დემნა ვეღარაფრით გაგვაკვირებს და ბებიამისის ყველა ლუქი ამოწურა, სულ ტყუილად გვგონია.
როგორც მოსალოდნელი იყო, დემნამ ისევ ყველაფერი აურია და მთელი მსოფლიო მასზე აალაპარაკა კიდევ ერთხელ.
გუშინ, პარზში, Vetements-ი მამაკაცის შემოდგომა/ზამთარი 2018-ის კოლექცია წარადგინა მომენტის ყველაზე არაპროგნოზირებადმა ქართველმა დიზაინერმა დემნა გვასალიამ.
კოლექციის ნახვისას, როგორც ყოველთვის, ქართველებმა ბევრი ვიცინეთ, რასაც ვერ ვიტყვით მსოფლიო დონის მოდის კრიტიკოსებზე, რომლებიც როგორც ყოველთვის აღფრთოვანდენ და უფრო მეტიც, მოდის ბიბლიად წოდებულმა Vogue-მ "მარჯიელაში" გალიანოს კაცის ხაზის დებიუტი ჩამოხსნა მთავარი გვერდიდან და"ვეტმანი" დადო.

როგორც მოდური გამოცემები წერენ, ჩვენებაზე ქართველებიც გამოვიდნენ, თუმცა, ვინაიდან პროფესიონალ მოდელებს დემნა არ წყალობს, უცნობია, ვინ იყვნენ ეს ქართველები.
ჩვენების ბოლოს კი თაკო ჩხეიძესთან ერთად ჩურჩხელაც შეჭამა.

ჩვენება, დემნას მეგობარმა, სტილისტმა ლოტა ვოლკოვამ გახსნა.
სავარაუდოდ, უკვე ვიცით რა იქნება სეზონის ახალი ჰიტი - გრანდიოზული ბოტასები ისევ კოლექციაშია, ოღონდ მოდიფიცირებული.
მოკლედ, ნახეთ დემნას მორიგი ავანტიურა და დარწმუნდით, რომ ჩვენი ბიჭი ისევ ფორმაშია

Vetements-ისა და Balenciaga-ს შემოქმედებით ხელმძღვანელს დემნა გვასალიას მსოფლიო მოდის ინდუსტიაში კარგად იცნობენ. მისი არაორდინალური კოლექციები მოდის ექსპერტებში მუდმივად განხილვის და აღფრთოვანების საგანია.

კოლექციები, ქართველებისთვის ხშირად ღიმილის მომგვრელია , რადგან მარტივად აღმოაჩენთ 90-იანი წლების დეტალებს. დემნას კოლექციებში შეგვიძლია ვიხილოთ, მანქანის სარკე-ჩანთები, „კოვრიკი“ კაბები, 90-იანი წლების მაგიდის გადასაფარებლის კაბები და ფეხსაცმელები, სანთებელა-ფეხსაცმელები და ე.წ. ლილოს ჩანთები.

დემნა გვასალია „ბალენსიაგას“ კრეატიული დირექტორი 2015 წლის ნოემბერში გახდა. პარალელურად, ის განაგრძობს ბრენდ Vetements-ის კოლექციის შექმნას.

Vetements-ი ძმებმა დემნა და გურამ გვასალიებმა 2014 წელს დააარსეს და აღიარებაც მალევე მოიპოვეს.

მოდის სფეროში შეტანილი შემოქმედებითი წვლილისთვის , დემნა გვასალია პრესტიჟული ამერიკული დაჯილდოების, მოდის ოსკარად წოდებული CFDA-ს გამარჯვებულიც გახდა.