მეცნიერებამ მედიცინაში უდიდესი ნაბიჯი გადადგა - კიბოს დიაგნოზი შესაძლოა, სისხლის საერთო ანალიზის საშუალებით დასვან დაავადების საწყის ეტაპზე.

ჯონ ჰოპკინსის უნივერსიტეტის გუნდმა უკვე გამოსცადა მეთოდი, რომლის საშუალებითაც დაავადების რვა გავრცელებული ფორმის გამოვლენაა შესაძლებელი. კვლევა უკვე გამოქვეყნდა ჟურნალ Science -ში.

ანალიზი, სახელწოდებით - CancerSEEK 16 გენში ეძებს მუტაციას, რომლებიც სიმსივნის არსებობის შემთხვევაში ხშირად მომატებულია.

ტესტი 1005 პაციენტზე გამოსცადეს, რომლებსაც საკვერცხეების, ღვიძლის, მუცლის, პანკრეასის, ფილტვის, საყლაპავი მილის, მსხვილი ნაწლავის ან მკერდის სიმსივნე ჰქონდათ და რომელიც ჯერაც არ იყო გავრცელებული სხვა ორგანოებზე.

საერთო ჯამში, სისხლის ანალიზმა პაციენტებს 70%-ში კიბო დააფიქსირა.

დოქტორი კრისტიან ტომასეტი, ჯონ ჰოპკინსის სახელობის მედიცინის უნივერსიტეტიდან, BBC-სთან აცხადებს, რომ ამას, უზარმაზარი გავლენა ექნება კიბოს მიერ გამოწვეულ სიკვდილიანობაზე. ვინაიდან, საწყოს ეტაპზე სიმსივნის აღმოჩენის შემთხვევაში, ადამიანის გდარჩენისა და მკურნალობის შანსი დიდია.

რვიდან ხუთ შემთხვევაში სკრინინგს ადრეულ ეტაპზე კიბოს აღმოჩენა არ შეუძლია.

მაგალითად, პანკრეასის კიპოს რამდენიმე სიმპტომი იმდენად გვიან ვლინდება, რომ ხუთიდან ოთხ შემთხვევაში, პაციენტი კიბოს აღმოჩენიდან ერთ წელში იღუპება.

CancerSEEK ახლა ჯანმრთელ ადამიანებზე უნდა გამოსცადონ და ეს სწორედ ეს იქნება მისი რეალური გამოცდა.

აღსანიშნავია, რომ ტესტს შეუძლია მხოლოდ დაადგინოს არის თუა რა ორგანიზმში კიბოს უჯრედი და არა კონკრეტულად ორგანო, რომელიც შეიძლება იყოს დაავადებული. ამიტომ შემდეგი გამოკვლევებიც აუცილებელია.