გვინეაში, თაღლითობისთვის ქალი დააკავეს, რომელიც დაორსულების მსურველ ქალებს ატყუებდა.

როგორც BBC წერს, ქალი მათ არწმუნებდა, რომ ექიმთან არ წასულიყვნენ და მის მიერ დამზადებული მცენარეული წამლები მიეღოთ, რაც დაორსულებაში დაეხმარებოდათ, თუმცა ის რეალურად, უბრალოდ მუცელს ბერავდა. მკურნალობაში კი 33 დოლარს იღებდა, ქვეყანაში საშუალო ხელფასი კი 48 დოლარია.

მოტყუებული ქალები პოლიციის შენობასთან შეიკრიბნენ და ექიმბაშის დასჯა მოითხოვეს. გამოძიების ინფორმაციით, სულ დაზარალებულია 700 ქალი.