"გრემის" მფლობელ მომღერალ სილს სექსუალურ შევიწროებაში ადანაშაულებენ

ეს საინტერესოა - 16:04, 17 Jan, 2018

3128

სექსუალურ შევიწროებაში ამჯერად "გრემის" მფლობელ ბრიტანელ მომღერალს, გერმანელი მოდელის ჰაიდი კლუმის ყოფილ ქმარს, 54 სილს (Seal) ადანაშაულებენ და გამოძიებაც დაწყებულია.

TMZ-ის ცნობით, მომღერალს მსახიობი ტრეისი ბირდსალი ადანაშაულებს, რომელიც ლოს-ანჯელესში სილის მეზობელია. ტრეისის თქმით, შემთხვევა 2016 წელს მოხდა, როდესაც სილის სახლში იმყოფებოდა და სილმა მისი კოცნა სცადა.

„როდესაც ვუყვირე, რას აკეთებდა, მითხრა - გკოცნი“ - ამბობს მსახიობი.

მისი თქმით, ამ ყველაფრის გასაჯაროება მას შემდეგ გადაწყვიტა, რაც სილმა განაცხადა, რომ ჟურნალისტმა ოპრა უინფრიმ ჰარვი ვაინშტაინის ქმედებების შესახებ იცოდა.

სილმა დაწერა, რომ უინფრი დუმდა, ახლა კი, "ისე იქცევა თითქოს საქმის კურსში არ იყო".

მან ჰარვი ვაინშტაინის და ოპრა უინფრის ერთობლივი ფოტო გამოაქვეყნა, წარწერით"როდესაც შენ ათლწლეულების განმავლობაში ხარ პრობლემის ნაწილი, თუმცამოულოდნელად პრობლემმის გადაჭრის საშუალება ხდები".

"უი, ხო დამავიწყდა, ბოდიში...შენ მხოლოდ ჭორის დონეზე იცოდი, რომ ვაინშტაინი ახალგაზრდა გოგო მსახიობებზე პერიოდულად ძალადობდა" - წერს სილი.

სილი 2005–2014 წლებში გერმანელ სუპერმოდელ ჰაიდი კლუმზე იყო დაქორწინებული, წყვილს 4 შვილი ჰყავს.