არქეოლოგები ფარაონ ტუტანჰამონის მეუღლის ანჰექსენამონის აკლდამას ეძებენ

მსოფლიო - 13:48, 17 Jan, 2018

2887

ცნობილი ეგვიპტელი არქეოლოგი, ქვეყნის ყოფილი მინისტრი სიძველების დაცვის საკითხებში ზახი ჰავასსი "მეფეთა ველზე" გათხრებს იწყებს, რათა ფარაონ ტუტანჰამონის მეუღლის და ნახევარდის ანჰექსენამონის (ანუქსენამონი) აკლდამა აღმოაჩინოს.

"ჩვენ დავიწეთ გათხრები, ფარაონ ეიეს აკლდამის მახლობლად, რომელიც ტუტანჰამონის მეუღლე იყო. რადარულმა სურათმა, 5 მეტრის სიღრმეში აკლდამაში შესასვლელი კარების არსებობა დაადასტურა," - აცხადებს მეცნიერი.

ფარაონი ამენჰოტეპი, მისი მეუღლე ნეფერტიტი და შვილი ტუტანჰამონი ძველი ეგვიპტის ერთერთი ყველაზე საინტერესო მმართველები არიან.

ამენჰოტეპმა ერთერთმა პირველმა მსოფლიოს ისტორიაში მოინდომა რელიგიური რეფორმის გატარება, გააუქმა ეგვიპტეში მრავალღმერთიანობა და ერთადერთი მზის ღმერთის - ამონის (ამონ-რა) კულტი შექმნა.

მისი მეუღლე ნეფერტიტი ქალური სილამაზის ერთერთ ეტალონად ითვლება, ხოლო ტუტანჰამონი ყურადღებას იპყრობს მისი იდუმალი, ნაადრევი სიკვდილით 20 წლის ასაკში. ამასთან, მისი აკლდამა დღემდე აღმოჩენილი, მძარცველებს გადარჩენილი ერთადერთი ხელუხლებელი და "დაწყევლილი" აკლდამაა.

ტუტანჰამონის სიკვდილის მიზეზების გარდა, ამჟამად მეცნიერების ინტერესს მისი მეუღლის და ნახევარდის, ამენჰოტეპისა და ნეფერტიტის ქალიშვილის, ანჰექსენამონის დაკრძალვის ადგილიც იწვევს. იგი მეორედ გათხოვდა და რამდენმე წელი მართავდა ეგვიპტეს, თავის მეუღლე ეიესთან ერთად.