ღიპი და ჭარაღა წვერი - მელ გიბსონის ფოტოებმა თაყვანისმცემლები შოკში ჩააგდო

ეს საინტერესოა - 15:46, 16 Jan, 2018

4942

ჰოლივუდის ვარსკვლავობა არც ისე ადვილია, მუდამ გამადიდებელი შუშის ქვეშ ყოფნა ადამიანს ცხოვრებას ურთულებს. არასრულყოფილების მცირედი გამოვლენაც კი მთელი მსოფლიოს განსახილველი თემა ხდება. მაშინაც კი, როდესაც ვარსკვლავი ცდილობს ისე ჩაიცვას, რომ ხალხის მასაში შეუმჩნეველი იყოს, ის ფოტოკამერების ობიექტივში მაინც ხვდება.

ჭაღარაწვერიან, ფერხორციან მამაკაცში, რომელსაც სუპერმარკეტიდან ეტლით პროდუქტები გამოაქვს, ძნელია ჰოლივუდის სუპერვარსკვლავი, „მამაც გულიანი“ მელ გიბსონი ამოიცნო.

პაპარაცებმა 62 წლის მელ გიბსონი და მისი 27 წლის შეყვარებული როზალინდა როსი ერთ-ერთი მაღაზიის წინ გამოიჭირეს. როგორც ჩანს, როზალინდასაც შეუმჩნევლად დარჩენა სურდა, ჯინსებში, კუბოკრულ პერანგსა და მზის სათვალეში მისი ამოცნობა თითქმის შეუძლებელი იყო.

სოციალურ ქსელში გამოქვეყნებულ ფოტოებს დიდი გამოხმაურება მოჰყვა, გიბსონის მრავალრიცხოვანმა თაყვანისმცემლებმა, საყვარელი მსახიობი ძლივს იცნეს. მელ გიბსონი, რომელიც მუდამ გამოირჩეოდა შესანიშნავი სპორტული ფორმით, წონაში საკმაოდ მომატებულია და მის ღიპს ვერ ფართო პერანგი ვერ ფარავდა.

შეგახსნებთ, როზალინდა და მელი მესამე წელია ერთად არიან. მათ 2017 წელს საერთო შვილი ლარს ჯერარდი შეეძინათ. ეს მელ გიბსონისთვის მეცხრე შვილია, პირველი ქორწინებიდან მისი შვილების უმრავლესობა, ასაკით მის ამჟამინდელ შეყვარებულზე უფროსები არიან.