2030 წლისთვის დედამიწას გამყინვარება ემუქრება - მეცნიერები კაცობრიობის საშიშ მომავალზე საუბრობენ

ეს საინტერესოა - 13:47, 15 Jan, 2018

10715

ბევრი ჩვენთაგანისთვის საკმაოდ შიშისმომგვრელია ფაქტი, რომელიც გლობალურ დათბობას უკავშირდება და კვლევები ამსზე არც თუ ისე კარგის მომასწავებელია. მიუხედავად ამისა, ახალი კვლევების თანახმად, გაცილებით საშიში კაცობრიობისთვის სრულებით სხვა მომავალია - 2030 წლისთვის მინი- გამყინვარების პერიოდი შეიძლება დადგეს.

ეს პირველად არ მოხდება, ეს ფენომენი ცნობილია როგორც „მაუნდერის მინიმუმი“, ეს ბოლოს დაფიქსირდა მაშინ, როცა ლონდონში მდინარე ტემზა გაიყინა.

შესაბამისი კვლევების თანახმად, მზის მაგნიტური აქტივობა, 2030 წლიდან მომავალი დეკადის განმავლობაში 60%-ით შემცირდება.

ნორტუმბრიის უნივერსიტეტის მეცნიერებმა 97%-ის სიზუსტით შეძლეს მზის აქტივობის ციკლის პროგნოზირება. კვლევის ფარგლებში მზეზე დაფიქსირდა ორი მაგნიტური ტალღა, რომლებიც ერთმანეთისგან დამოუკიდებლად შეიქმნენ და მზის სხვადასხვა ფენებში გავრცელდნენ. ორივე შემტხვევაში, ციკლის ხანგრძლივობა დაახლოებით 11 წელი გახლავთ, თუმცა, მათი წარმოქმნის პერიოდი ერთმანეთს არ ემთხვევა.

მეცნიერები ვარაუდობენ, რომ ციკლის მორიგი პერიოდი 2022 წელს დადგება და მას ე.წ. 26-ე ციკლი მოჰყვება, რაც ახალი გამყინვარების პერიოდის დადგომის მომასწავებელი გახდება.