"ქსეროქსი", თუ "ზიროქსი"? -ბრენდები, რომელთა დასახელებასაც ჩვენ არასწორად წარმოვთქვამთ

ეს საინტერესოა - 16:27, 13 Jan, 2018

2365

მსოფლიოში დიდი პოპულარულობით სარგებლობს ბრენდული კომპანიების პროდუქცია, რომელთაგან რამდენიმეს, მიჩვევის გამო, არასწორად წარმოვთქვამთ. გთვაზობთ რამდენიმე მათგანს, თუმცა, სავარაუდოდ, ამ წესებს მალე დაივიწყებთ და მათ სახელებს ჩვეული ფორმით წარმოთქვამთ.

Garnier - ფრანგულში თუ "რ" სიტყვის ბოლოსაა, იგი არ გამოითქმის, ამიტომაც უნდა წარმოვთქვათ "გარნიე" და არა "გარნიერ".

Nike - ეს ამერიკული ბრენდი ბერძნულ გამარჯვების ქალღმერთის ნიკეს სახელს ატარებს, რაც ინგლისურად წარმოითქმის - "ნაიკი". მაგრამ, რატომღაც, ამერიკელების გარდა, ყველა მას ჩვეულებრივი წესით წარმოთქვამს - "ნაიკ", რაც არასწორია.

Samsung - კორეულად ეს სახელი "სამ ვარსკვლავს" ნიშნავს, რაც მაგიურ ხასიათს ატარებს. სხვათაშორის იგი კორეულად "სამსონ"-ად წარმოითქმის, თუმცა ამ სახელთან კავშირი არ აქვს.

Lamborghini - იტალიურში თუ G-ს H-ი მოსდევს იგი "გ"-დ გამოითქმის. ამიტომაც ეს ავტომობილი ლამბორგინია და არა დამკვიდრებული "ლამბორჯინი".

Porsche - ამ ფირმის დამაარსებელს ფერდინანდ პორშე ერქვა, შესაბამისად ავტომანქანასაც პორშე ქვია და არა პორში.

Daewoo - კიდევ ერთი ავტომობილი, რომელსაც არასწორად წარმოვთქვამთ - ის არც "დაევუა" და არც "დეუ", კორეულად "დ"-ს ნაცვალდ "ტ"-ს წარმოთქვამენ, შესაბამისად "ტეუ".

Hyundai - საავტომმობილო თემატიკას "ჰიონდე" აგრძელებს, ასე ჟღერს იგი ორიგინალში და არა "ჰიუნდაი", როგორც მას ჩვენ ვეძახით.

Xerox - ჩვენთვის საკმაოდ ნაცნობი ქსეროქსი, ფირმა, რომელმაც ასლგადამღები აპარატურის საერთო სახელწოდებას დაუდო საფუძველი, თუმცა, ინგლისური ენის წესებს თუ დავიცავთ, მას "ზიროქსი" ჰქვია.

Levi's - ამ კომპანიამ გამოკვლევა ჩაატარა და აღმოაჩინა, რომ მისი დასახელების ორივე ვარიანტი თანაბრად არის გამჯდარი მსოფლიოში. პირველი ჯინსის შემქმნელს ლევი ერქვა, აქედან მომდინარეობს "ლევისი", თუმცა ინგლისური ენის წესების მიხედვით, უნდა ვთქვათ "ლივაიზ". თუმცა, როგორც აღვნიშნეთ, ფირმა არცერთ სახელს არ ეწინააღმდეგება.