სამხრეთ კორეის იუსტიციის სამინისტრო მუშაობს კანონპროექტზე, რომლის თანახმადაც ქვეყნის სპეციალიზებულ ბირჟებზე კრიპტოვალუტით ვაჭრობა აიკრძალება.

ამის მიზეზად იუსტიციის მინისტრი პან სან კი კრიპტოვალუტასთან დაკავშირებულსპეკულაციებსა და მის არასტაბილურობას ასახელებს. BBC-ის ინფორმაციით, სამხრეთკორეული ხელისუფლების მიერ მოპოვებული მონაცემებით, კრიპტოვალუტაში სახსრები უკვე მილიონზე მეტმა ადამიანმა ჩადო.

უფრო შირს მიდის ჩინეთი, რომელმაც 2017 წლის 16 სექტემბერს, ჩინეთის ბირჟებზე ბიტკოინით ვაჭრობა უკვე აიკრძალა და ახლა გადაწყვიტა ქვეყანაში ბიტკოინის გამომუშავება (მაინინგი) აკრძალოს.

ამის მიზეზად ჩინეთში მაინინგისთვის საჭირო ელექტროენერგიის დიდი რაოდენობით რესურსის ხარჯვა და ვირტუალურ კრიპტოვალუტასთან დაკავშირებული სპეკულაციებია.