აშშ-ის და რუსეთის უთანხმოება ირანის საკითხზე - ამერიკა გაეროს უშიშროების საბჭოს მოწვევისთვის გააკრიტიკეს

მსოფლიო - 11:41, 06 Jan, 2018

2672

გაეროს უშიშროების საბჭოს სხდომაზე ამერიკის შეერთებულმა შტატებმა და რუსეთმა კიდევ ერთხელ აჩვენეს ის უთანხმოება, რომელიც მათ ირანის საკითხთან მიმართებაში გააჩნიათ.

გაეროს უშიშროების საბჭოს საგანგებო სხდომაზე, რომელიც აშშ-ის ინიციატივით ირანის საკითხის განსახილველად მოიწვიეს, რუსეთის წარმომადგენელმა ვაშინგტონი მკვეთრად გააკრიტიკა და აშშ-ის მიერ ამ საკითხთან დაკავშირებით საგანგებო სხდომის მოწვევა ირანის შიდა საქმეებში ჩარევის მცდელობად შეაფასა, რაც მისი თქმით უშიშროების საბჭოს ავტორიტეტს აკნინებს. ვასილ ნებენზიამ აშშ თავისი უფლების ბოროტად გამოყენებაში დაადანაშაულა. მისივე თქმით, უშიშროების საბჭოს მოწვევის რეალური მიზეზი - თეირანის ბირთვულ პროგრამაზე შეთანხმების გაუქმების მცდელობაა.

ვაშინგტონი უფლებამოსულების ბოროტად გამოყენებაში დაადანაშაულა გაეროში ირანის წარმომადგენელმაც.

საფრანგეთის წარმომადგენლის ფრანსუა დელატრის განცხადებით ირანის საქმეებში ჩარევა შეიძლება კონტრპროდუქტიული იყოს. მისი თქმით საერთაშორისო საზოგადოებამ ირანის ბირთვული შეთანხმების პირობები უნდა შეასრულოს.

უცხოური მედიის ინფორმაციით, აშშ-ის წარმომადგენლის ნიკი ჰეილის გადაწყვეტილება გაეროს უშიშროების საბჭოს სხდომის მოწვევის შესახებ საბჭოს სხვა წევრებისთვის მოულოდნელი იყო. ჰეილიმ საბჭოზე განაცხადა, რომ ვაშინგტონი ღიად უჭერს მხარს ირანის საპროტესტო აქციებს.