მაკრონი თურქეთს ევროკავშირის წევრობის ალტერნატივად პარტნიორობას სთავაზობს

მსოფლიო - 11:22, 06 Jan, 2018

2840

საფრანგეთის პრეზიდენტი თურქეთს ევროკავშირში გაწევრიანების ალტერნატივად პარტნიორობას სთავაზობს. აღნიშნული განცხადება ემანუელ მაკრონმა გუშინ თურქეთის პრეზიდენტთან რეჯეპ ტაიპ ერდოღანთან შეხვედრის შემდეგ პრესკონფერენციაზე გააკეთა. ევროკავშირში გაწევრიანების მთავარ შემაფერხებელ მიზეზად თურქეთში ადამიანის უფლებების მდგომარეობა რჩება:

„თუ ჩვენ ვერ შევძლებთ გადავხედოთ ამ ურთიერთობას ინტეგრაციის კონტექსტში, შესაძლოა ეს მოხდეს თანამშრომლობის, პარტნირობის მიზნით. ეს საჭიროა იმისთვის, რომ მოხდეს თურქეთის და თურქი ხალხის შენარჩუნება ევროპაში და იმისთვის რომ თურქეთის მომავალი მიმართული იყოს ევროპისკენ და ევროპასთან ერთად. ჩემი სურვილია, რომ ჩვენ უფრო მეტი რამ გავაკეთოთ ერთად და თურქეთი მჭიდრო კავშირი ქონდეს ევროპასთან, მაგრამ მიმაჩნია, რომ გაწევრიანების პროცესი უხლოეს წლებში ვერ მოხდება. “- განაცხადა მაკრონმა.

შეგახსენებთ ანკარის მიერ განხორციელებულმა რეპრესიებმა ფაქტიურად შეაჩერა თურქეთის ევროკავშირში გაწევრიანების ხანგრძლივი მოლაპარაკებები. გერმანიის კანცლერმა გასული წლის სექტემბერში ფაქტობრივად ამ მოლაპარაკებების შეწყვეტის შესახებაც გააკეთა განცხადება, თუმცა ემანუელ მაკრონი ამის საპასუხოდ ევროკავშირისა და თურქეთი „ურთიერთობის რღვევის თავიდან აცილების“ მოწოდებით გამოვიდა და თურქეთს არსებითი პარტნიორი უწოდა. ელისეის სასახლის განცხადებით, ემანუელ მაკრონისთვის მთავარ მიზანს დიალოგის ხაზის შენარჩუნება წარმოადგენს, თუმცა ის სხვა ლიდერებთან შეხვედრების მსგავსად, იმ აზრთასხვადასხვაობას არ მალავს, რომელიც მას ერდოღანთან აქვს.