ამერიკის შეერთებულმა შტატებმა პაკისტანს უსაფრთხოების სფეროში დახმარება შეუწყვიტა.

ამის შესახებ აშშ-ს სახელმწიფო დეპარტამენტის ოფიციალურმა წარმომადგენელმა, ჰეზერ ნაუერთმა ჟურნალისტებს განუცხადა.

სახელმწიფო დეპარტამენტის ინფორმაციით, აშშ-ი პაკისტანის დახმარებას მას შემდეგ აღადგენს, რაც ისლამაბდი „თალიბანისა“ და „ხაკანის ქსელის“ წინააღმდეგ ბრძოლაში ქმედით ნაბიჯებს გადადგამს.

აშშ-ის სახელმწიფო დეპარტამენტში აღნიშნავენ, რომ ცალკეულ შემთხვევებში ვაშინგტონი უფლებას იტოვებს პაკისტანს დახმარება გაუწიოს, როდესაც საქმე აშშ-ის ეროვნული უსაფრთხოების ინტერესებს შეეხება.