აშშ ირანს "ტროას ცხენს" უმზადებს

აშშ ირანს "ტროას ცხენს" უმზადებს - რამზან კადიროვი

მსოფლიო - 12:19, 05 Jan, 2018

1950

ამერიკის შეერთებული შტატების პრეზიდენტის, დონალდ ტრამპის განცხადება, რომ აშშ შესაფერის დროს ირანში საპროტესტო აქციების მონაწილეებს მხარდაჭერას გაუწევს, ჩეჩნეთის ხელმძღვანელმა რამზან კადიროვმა გააკრიტიკა.

"დონალდ ტრამპმა განაცხადა, რომ აშშ ირანში საპროტესტო აქციების მონაწილეებს საგრძნობ მხარდაჭერას გაუწევს, როდესაც შესაფერისი დრო დადგება. აქამდე ქმედითი მხარდაჭერა მიიღო ლიბიამ, სირიამ, ერაყმა, ავღანეთმა, სერბეთმა, ვიეტნამმა და სხვა ქვეყნებმა. ირანს ტროას ცხენს უმზადებენ! “ - დაწერა რამზან კადიროვმა თვითერზე.

3 იანვარს ირანში მიმიდნარე მოვლენებს თვითრზე გამოეხმაურა აშშ-ის პრეზიდენტი დონალდ ტამპი.

„პატივისცემა ირანელ ხალხს, რომელიც ცდილობს უარი თქვას კორუმპირებულ მთავრობაზე. თქვენ აშშ-ისგან დიდ მხარდაჭერას მიიღებთ შესაბამის დროს!“ - დაწერა ტრამპმა.

შეგახსენებთ, თეირანში, მეშჰედში, ისპაჰანსა და ირანის სხვა დიდ ქალაქებში მასობრივი ანტისამთავრობო აქციები 28 დეკემბრიდან დაიწყო. ბოლო მონაცემით საპროტესტო გამოსვლების დროს მომხდარი შეტაკებების შედეგად 22 ადამიანი დაიღუპა, 450 კი დაკავებულია. დემონსტრაციები ფასების ზრდის გამო დაიწყო, თუმცა დარბევის შემდეგ ანტისამთავრობო ხასიათი მიიღო. ქვეყნის პრეზიდენტის, ჰასან როუჰანის თქმით, აქციები შიდა პრობლემებით და გარე ძალების წაქეზებით არის გამოწვეული.