ამერიკელი ჟურნალისტის, მაიკლ უოლფის ახალმა წიგნმა - „ცეცხლი და მძვინვარება – ტრამპი თეთრი სახლი“ დიდი აურზაური გამოიწვია.

წიგნი , ანონიმური წყაროებისა და ტრამპის გარემოცვის წევრების მიერ მოყოლილ ამ დრომდე უცნობი ფატქების კრებულს წარმოადგენს.

წიგნის ავტორისთვის მთავარი წყარო კი დონალდ ტრამპის ყოფილი მრჩეველი სტივენ ბენონია, რის გამოც ტრამპმა განაცხადა, რომ მისი "ყოფილი მრჩეველი ჭკუიდან შეიშალა." წიგნიდან რამდენიმე ნაწყვეტი ჟურნალმა New York Magazine გამოაქვეყნა.

უოლფი წერს, რომ დონალდ ტრამპი საპრეზიდენტო არჩევნებში გამარჯვებას ვერ იჯერებდა, შემდეგ კი თეთრმა სახლმა შეაშინა. უფრო მეტიც, მან ცალკე ოთახი მოითხოვა, რომლის კარის საკეტიც შეაცვლევინა. წიგნის მიხედვით, ქვეყნის პირველ წყვილს ცალ-ცალკე ოთახებში სძინავს.

უოლფი დარწმუნებულია, რომ ტრამპის უფროსი ქალიშვილი ან მისი მეუღლე ჯარედ კუშნერი პრეზიდნეტობისთვის იბრძოლებენ.

„ივანკა და ჯარედმა დასავლეთ ფრთის როლის მორგებ ერთობლივად გდაწყვიტეს. ეს მათი ერთობლივი გადაწყვეტილება, ერთობლივი სამუშაო იყო. მათ ერთგვარი გარიგება დადეს: თუკი მომავლში შესაძლებლობა გაიზრდება, ივანკა პრეზიდენტობისთვის იბრძოლებს. აშშ-ის პირველი ქალი პრეზიდენტი, არა ჰილარი კლინტონი, არამედ ივანკა ტრამპი იქნება. ბენონი, რომელმაც ივანკასა და ჯარედ კუშნერის წყვილს „ჯარვანკა“ დაარქვა და ეს ტერმინი თეთრ სახლში ძალიან დიდი პოპულარობით სარგებლობს, აღნიშნული გარიგებით შეშფოთებული იყო" - წერს უოლფი.

ბენონისა და "ჯარვანკას" დაპირისპირების შესახებ თავიდანვე ცნობილი იყო, რადგან "ჯარვანკა" წარმოადგენს ყველაფერს, რასაც ბენონი ებრძვის - ელიტიზმსა და პროტექციონიზმს - წერს ბიბისი.