აშშ-ს პრეზიდენტის დონალდ ტრამპის ადვოკატებმა პრეზიდენტის ყოფილ მთავარ სტრატეგს სტივ ბენონს ბრალი დასდეს ე.წ. "გაუთქმელობის პირობის" დარღვევაში. მათი თქმით, ბენონმა დაარღვია მის მიერ ხელმოწერილი შრომითი ხელშეკრულება, რადგან კონფიდენციალური ინფორმაცია, რომელიც ტრამპსა და მის ოჯახს შეეხებოდა, საჯარო გახადა.

ბრალდებაში ასევე ნათქვამია, რომ ბენონი ცილს სწამებს პრეზიდენტს მაიკლ ვოლფთან ინტერვიუში, რომელიც შესულია წიგნში "ცეცხლი და ბრაზი დონალდ ტრამპის თეთრ სახლში", სადაც ტრამპის მაკომპრომეტირებელი ბევრი მასალაა თავმოყრილი. წიგნი 2018 წელს უნდა გამოვიდეს.

ამავე ინტერვიუში ბენონმა განაცხადა, რომ დონალდ ტრამპ უმცროსის შეხვედრა რუსებთან "მოღალატეობრივი და არაპატრიოტული" იყო.

ბენონს თავად დონალდ ტრამპიც დაესხა თავს.

"სტივ ბენონს არაფერი აქვს საერთო ჩემთან და ჩემს პრეზიდენტობასთან. როცა ის მოხსნეს, მან არამარტო სამსახური დაკარგა, გააფრინა კიდევაც" - განაცხადა აშშ-ს პრეზიდენტმა.