ირანელების დასახმარებლად, აშშ-მა ტექნოლოგიურ კომპანიებს გზა უნდა გაუხსნას

ირანელების დასახმარებლად, აშშ-მა ტექნოლოგიურ კომპანიებს გზა უნდა გაუხსნას - უკანასკნელი შაჰის ბოლო მემკვიდრე

მსოფლიო - 11:47, 04 Jan, 2018

4341

ირანის უკანასკნელი შაჰის ბოლო მემკვიდრემ, რეზა ფაჰლევიმ „როიტერსთან“ ირანში განვითარებულ მოვლენებზე ისაუბრა.

„მსურს, ირანელებმა თავად განსაზღვრონ თავიანთი ბედი, მათივე თავისუფალი ნებით,“ - განაცხადა ფაჰლევიმ .

ამასთან, შაჰის მემკვიდრემ ანტისამთავრობო გამოსვლებში მონაწილეების მხარდაჭერისთვის აშშ-ის პრეზიდენტი დონალდ ტრამპი და მისი კაბინეტი შეაქო, თუმცა ირანელების აშშ-ში მოგზაურობის აკრძალვის შესახებ აშშ-ის პრეზიდენტის ადმინისტარციის გადაწყვეტილება გააკრიტიკა და მას „სასაცილო“ უწოდა.

მისივე თქმით, აუცილებელია, მათ უნდა უზრუნველყონ , რომ ირანელებს ჰქონდეთ წვდომა თავისუფალ მედიასა და სოციალურ ქსელებზე, რომელსაც იყენებდნენ ანტისამთავრობო საპროტესტო აქციების ვიდეოების, შეტაკებებისა და გზავნილების გასაზიარებლად.

ირანში, სადაც მნიშვნელოვანი სოციალურ ქსელებზე წვდომა აკრძალულია, საპროტესტო აქციების მიმდინარეობისასა, ინტერნეტზე წვდომაც შეზღუდული გახდა.

„ჩვენ უბრალო სიტყვებზე მეტი გვჭირდება. გვჭირდება, რომ კონკრეტული ქმედებები დავინახოთ. ეს უნდა მოხდეს დაუყოვნებლივ... ჩვენი საუბრის პარალელურად, რეჟიმი კვლავ ცდილობს, აკრძალოს „ინსტაგრამი“ თუ „ტელეგრამი“, - განაცხადა რეზა ფაჰლევიმ.

აშშ-ის მხრიდან მსგავსი ინტერვენციის პრეცედენტი არსებობს. 2009 წელს, მასობრივი საპროტესტო გამოსვლების დროს, ობამას ადმინისტრაციამ „თვითერის“ ხელმძღვანელობას სთხოვა, ირანელებისთვის სოციალური ქსელის გამოყენება არ შეეზღუდა.

ტექნოლოგიების ექსპერტები ადასტურებენ , რომ აშშ-ის სანქციების გამო, ბევრი კომერციული მომსახურება ირანელებისთვის მიუწვდომელია, რადგან თავად კომპანიები იკავებენ თავს.

აქტივისტემა ტექნოლოგიურ კომპანიებს თავიანთი ირანული პოლიტიკის შემსუბუქებისკენ მოუწოდეს, თუმცა აღნიშნეს, რომ ტრამპის ადმინისტრაციამ უნდა გამოკვეთოს გამონაკლისები , რომ ნათელი გახდეს, რომელი სერვისებია დასაშვები.

სახელმწიფო დეპარტამენტის სპიკერმა ჰეინერ ნავერმა სამშაბათს გამართულ ბრიფინგზე განაცხადა, რომ აშშ-ს სურს, ირანში სოციალურ მედიასა და სხვა საშუალებებზე ხელმისაწვდომობა იხილოს. კითხვაზე, მოუწოდებს თუ არა აშშ ტექნოლოგიურ კომპანიებს ირანში აღნიშნულის საკითხის მოსაგვარებლად, სახელმწიფო დეპარტამენტის წარმომადგენელმა პირდაპირი პასუხი არ გასცა, მაგრამ განაცხადა, რომ ირანელებისთვის ინფორმაციის წვდომაზე მხარდაჭერა „ირანთან სტრატეგიაში აშშ-ის ახალი პრეზიდენტის მთავარ ელემენტს წარმოადგენს .“

შეგახსენებთ, თეირანში, მეშჰედში, ისპაჰანსა და ირანის სხვა დიდ ქალაქებში მასობრივი ანტისამთავრობო, 6-დღიანი აქციები 28 დეკემბრიდან დაიწყო. ბოლო მონაცემით საპროტესტო გამოსვლების დროს მომხდარი შეტაკებების შედეგად 22 ადამიანი დაიღუპა, 450 კი დაკავებულია. დემონსტრაციები ფასების ზრდის გამო დაიწყო, თუმცა დარბევის შემდეგ ანტისამთავრობო ხასიათი მიიღო. ქვეყნის პრეზიდენტის, ჰასან როუჰანის თქმით, აქციები შიდა პრობლემებით და გარე ძალების წაქეზებით არის გამოწვეული.