ირანში განვითარებულ მოვლენებს თეთრი სახლი ეხმაურება, პრესმდივნის სარა სანდერსის განცხადებით ირანში სახალხო აჯანყებაა და საერთაშორისო საზოგადოება ამას ვერ გაემიჯნება.

„ქვეყანაში ფასები იზრდება, ხოლო ისლამური რევოლუციის გუშაგთა კორპუსი მოქალაქეების სახსრებს უცხოური შეიარაღებული დაჯგუფებების მხარდაჭერაზე ხარჯავს. ირანელი ხალხი აღშფოთებულია კორუფციის ზრდით. ისინი დაიღალნენ თავიანთი დაუნდობელი და კორუმპირებული ლიდერების გამო. შედეგად, ჩვენ ვხედავთ ნამდვილ სახალხო აჯანყებას, რომლის უკან მამაცი ირანელები დგანან. საერთაშორისო საზოგადოებამ არ უნდა შეინარჩუნოს დუმილი, როგორც ეს ადრე ხდებოდა“, - განაცხადა სანდერსმა.

თეირანში, მეშჰედში, ისპაანსა და ირანის სხვა დიდ ქალაქებში მასობრივი აქციები 28 დეკემბრიდან დაიწყო.