ირანში მიმდინარე მოვლენებთან დაკავშირებით ისრაელის პრემიერმინისტრმა, ბენიამინ ნეთანიაჰუმ ირანის პრეზიდენტის ჰასან როუჰანის ბრალდებებს სასაცილო უწოდა.

„დღეს მოვისმინე პრეზიდენტ როუჰანის განცხადება, რომ ირანში აქციების უკან ისრაელი დგას. ეს არა თუ ტყუილია, არამედ უკვე სასაცილოა, როუჰანისგან განსხვავებით, არ მინდა დავამცირო ირანელი ხალხი, ისინი უკეთესს იმსახურებენ. მამაცი ირანელები გამოვიდნენ ქუჩებში, ითხოვენ სამართლიანობას და იმ ელემენტარულ თავისუფლებას, რაზეც ათწლეულებია რეჟიმი უარს ეუბნება," - აცხადებს ნათანიაჰუ.