როგორც არინა თავაქარაშვილმა ,,ნიუპოსტს" განუცხადა, სირცხვილია, როცა ქართველების მოძულე, კაცი, რომელიც რუსეთის ტანკების არშესვლას თბილისში რუსეთის სახელმწიფოს შეცდომად თვლიდა, რომელიც თვლის რომ რუსეთისაგან შორს ვართ და ამიტომ უნდა გავნადგურდეთ, გორში სკაიპით ერთვება და ევრაზიული კავშირის, საქართველოს რუსეთის იმპერიაში დაბრუნების პროპაგანდას ეწევა.

,,ეს არის შეურაცმყოფელი ჩემთვის, სირცხვილია, რომ დღეს გორში ევრაზიული კავშირის მომხრეები იკრიბებიან. არ მომწონს არც ევრაზიული კავშირი და დაუშვებელია საბჭოთა კავშირის დაბრუნება, ევრაზიული კავშირი "გაახლებულ" საბჭოთა კავშირს ნიშნავს, რაც ჩემთვის როგორც მოქალაქისთვის და დასვლეთზე ორიენტირებული ადამიანისათვის კატეგორიულად მიუღებელია. საქართველო უნდა დაუბრუნდე ევრო-ქრისტიანულ სივრცეს, რომელშიც დაიბადა და რომლის წევრის იყო იდეურად ყველა ეპოქაში, მერე რა რომ დაპყრობილი იყო. კი ბატონო, მე პატივს ვცემ იმ ადამიანებს, რომელსაც განსხვავებული აზრი აქვთ და მიაჩნია, რომ ევრაზიული კავშირი კარგია, გასაგებია, რომ ვიღაც მისტირის რუსეთს და საბჭოთა კავშირს მაგრამ ამასთან ერთად, დაგვავიწყდა რუსული ბომბები და ტანკები გორში?! დღეს გორში ამის პრეზენტაცია ჩემთვის შეურაცმყოფელია, ჩემი მეხსიერება კარგად ინახავს რუსულ აგრესიას და ოკუპაციას გორში, ყველაზე საშინელი კი ის არის, რომ დუგინის პირდაპირი ჩართვა სკაიპით ხდება, ის ქართველთმოძულეა, რაც მისი კომენტარებიდან თუ პოლიტიკური პროცესების შეფასებებიდან კარგად სჩანს", - აცხადებს არინა თავაქარაშვილი.

ორგანიზაცია " ჯანმრთელი სამყაროს" კოორდინატორი მიმართავს გორის მოსახლეობას, დევნილებს და აცხადებს, რომ ,,ეს ადამიანები ამ დღეში სწორედ რუსეთის აგრესიამ ჩააყენას და დუგინის მოწოდებამ, რომ ტანკებით შედით თბილისშიო".

,,დაგვავიწყდა, რომ ამ სახელმწიფოს პოლიტიკურ ელიტას, მმართველ ელიტას ჩვენი ჯინი სჭირს უკვე 2 საუკუნეა", - აცხადებს არინა თავაქარაშვილი და ახალგაზრდობას, პოლიტიკოსებს და საზოგადოების წარმომადგენლებს მოუწოდებს რეაგირებისკენ:

,,რატომ დუმხართ?! სირცხვილია გორში ასეთი შეკრება და დუგინის მოწოდება", - მიმართავს თავაქარაშვილი.