რუსეთის პრეზიდენტობის ერთ-ერთმა კანდიდატმა ქსენია სობჩაკმა ალექსეი ნავალნის თავისი შტაბში მუშაობა, კერძოდ კი თავის ნდობით აღჭურვილ პირად გახდომა შესთავაზა. ამის შესახებ ჟურნალისტმა Instagram-ზე დაწერა.

რუსეთის ცესკო-მ ალექსეი ნავალნის პრეზიდენტობის კანდიდატად რეგისტრაციაზე უარი ორშაბათს უთხრა.

სობჩაკის თქმით, ნავალნის არჩევნებზე არ დაშვება "უსამართლობა და ხელისუფლების მორიგი შეცდომაა".

„დღეს ცენტრალურმა საარჩევნო კომისიამ ალექსეი ნავალნი საპრეზიდენტო კანდიდატად არ დაარეგისტრირა. მე ნავალნის არდაშვება , ხელისუფლების მორიგი შეცდომა და ამაზრზენი უსამართლობაა. მაგრამ ეს კიდევ ერთხელ ადასტურებს, რომ ჩვენ უნდა ვიმოქმედოთ, არ უნდა გავჩერდეთ და ამ ბრძოლაში ბოლომდე დავრჩეთ. ეს ეხება ყველა ჩვენგანს, ეხება ალექსეის. მე არჩევნებისთვის ბოიკოტის გამოცხადების წინააღმდეგ ვარ. მახსოვს, ასეთი იყო ნავალნის პოზიციაც 2011 წელს. არჩევნები კვლავაც რჩება რაიმეს შეცვლის ერთადერთ შესაძლებლობად. მისი ბოიკოტი კი არაეფექტური და მავნე მეთოდია. ის არა მხოლოდ შეამცირებს აქტივობას, არამედ პუტინის პროცენტებს გაზრდის. და მას სასურველი 70%-ის მიღების საშუალებას მისცემს.

მესმის, რომ შეურაცხმყოფელი და რთულია ალექსეისთვის, მაგრამ საერთო საქმე უფრო მნიშვნელოვანია. ამიტომაც, მე ვთავაზობ ოპოზიციურ ძალებს გაერთიანებისკენ. ალექსეი ნავალნის კი ვთავაზობ, ჩემი ნდობით აღჭურვილი პირი გახდეს“ - წერს სობჩაკი ინსტაგრამზე.

24 დეკემბერს რუსეთის 20 ქალაქის საინიციატივო ჯგუფმა მოსკოვში გამართულ კენჭისყრაზე ოპოზიციონერი ალექსეი ნავალნი პრეზიდენტობის კანდიდატად წარადგინეს. პროცედურაში 753 ადამიანი მონაწილეობდა. ნავალნის პრეზიდენტობის კანდიდატად დაასახელებას საინიციატივო ჯგუფის 742 წევრმა დაუჭირა მხარი. ცენტრალური საარჩევნო კომისიისგან უარყოფითი პასუხი ნავალნიმ ნასამართლობის გამო მიიღო. კომისიის წევრების თქმით, რუსული კანონმდებლობით, პირის პრეზიდენტობის კანდიდატად რეგისტრაცია ნასამართლობის მოხსნიდან 10 წლის განმავლობაში დაუშვებელია.

რუსეთში საპრეზიდენტო არჩევნები 2018 წ ლის მარტში გაიმართება.