მეგან მარკლი სამეფო ოჯახთან ერთად საჯაროდ პირველად გამოჩნდა (ფოტოები)

ეს საინტერესოა - 15:42, 25 Dec, 2017

9780

პრინცი ჰარის საცოლე, ამერიკელი მსახიობი მეგან მარკლი საშობაო წირვაზე სამეფო ოჯახს შეუერთდა. ეს პირველი შემთხვევაა, როდესაც მეგანი და ჰარი სამეფო ოჯახთან ერთად საჯაროდ გამოჩნდნენ.

სამეფო ოჯახის ახალგაზრდა წყვილები პრინცი უილიამი ჰერცოგონია ქეითთან ერთად, პრინცი ჰარი კი მეგანთან ერთად, გვერდიგვერდ მიდიოდნენ.
სამეფო ოჯახის სხვა წარმომადგენლებთან ერთდ ისინი ეკლესიაში წირვას დაესწრნენ, სადაც დედოფალი ელისაბედ II დახვდა.

ეს პირველი შემთხვევაა, როდესაც არაჯვარდაწერილი წყვილი ესწრება საშობაო მსახურებას. 2010 წელს ქეითი და უილიამიც დანიშნულები იყვნენ, მაგრამ ქეითი საშობაო დღესასწაულზე მიწვეული არ ყოფილა .

ცნობილია, რომ პრინცი ჰარისა და მეგან მარკლის სამეფო ქორწილი 2018 წლის 19 მაისს, ვინდსორის სასახლეში გაიმართება.

მიმდინარე წლის 27 ნოემბერს კი სამეფო ოჯახმა ოფიციალური განცხადება გაავრცელა, რომ ჰარი და მეგანი დაინიშნენ და ქორწილი გაზაფხულზე გაიმართება.

ცნობილი გახდა ისიც, რომ მეგანმა სამსახიობო კარიერაზე უარი თქვა, კონკრეტულად, მან დატოვა სერიალი Suits-ი, რომლის წყალობითაც მოიპოვა პოპულარობა. სამეფო ქორწილამდე მეგანს სარწმუნოებისა და მოქალაქეობის შეცვლა მოუწევს.

ბრიტანეთის სამეფო პროტოკოლის თანახმად, ქალი , რომელსაც „სამეფო სისხლი“ არ აქვს, პრინცესა გახდება. შესაბამისად, მას პრინცესა მეგანს არ დაუძახებენ, ისევე როგორც პრინცი უილიამის მეუღლეს, ჰერცოგინია ქეით მიდლტონს.

პრინცი ჰარისა და მეგანის რომანის შესახებ ცნობილი 2016 წლის ოქტომბერში გახდა.

პრინცი ჰარის ახალი რჩეულის ვინაობის გაგებისთანავე, ტაბლოიდები მსახიობის ცხოვრების თითქმის ყველა დეტალზე წერდნენ. დაიწერა ისიც, რომ მეგანის ფერადკანიანი დედის გამო, სამეფო ოჯახი მას არ მიიღებდა.

ამ ფაქტის შემდეგ სამეფო ოჯახმა წერილი გამოაქვეყნა და პრინცი ჰარისა და მეგან მარკლის რომანი ოფიციალურად დაადასტურა.