Versace-ს ახალ სარეკლამო კამპანიაში 90-იანების ლეგენდარული მოდელები მონაწილეობენ -კოლექციას ნაომი კემპბელი, კრისტი ტარლინგტონი და ჟიზელ ბუნდჰენი კიდევ უფრო შთამბეჭდავს ხდიან.

მათ გარდა კამპანიაში ახალი თაობის ის მოდელები მონაწილეობენ, რომლებიც ჯანი ვერსაჩესადმი მიძღვნილ ჩვენებაზე გამოვიდნენ: ნატალა ვოდიანოვა, ირინა შეიკი, კაია გერბერი, ვიტორია ჩერეტი, ჯიჯი ჰადიდი და სხვები.

შეგახსენებთ, დონატელა ვერსაჩემ Versace გაზაფხული/ზაფხული 2018 წლის კოლექცია ძმას მიუძღვნა.

ჯანი ვერსაჩეს გარდაცვალებიდან წელს 20 წელი გავიდა. მისი საკულტო იდეები კი დონატელამ ახალ კოლექციაში გააერთიანა.

ჯანი ვერსაჩესადმი მიძღვნილი ჩვენება 90-იანი წლების საკულტო მოდელებმა დახურეს. „ჯანის გოგონები“ - ასე მოიხსენიებდნენ ლეგენდარულ მოდელებს, რომლებიც დიზაინერის ფავორიტები იყვნენ. ნაომი კემპბელი, სინდი კროუფორდი, კლაუდია შიფერი, ელენა კრისტენსენი და კარლა ბრუნი, ჯორჯ მაიკლის სიმღერა Freedom-ის ფონზე შოუს დასასრულს ერთად გამოვიდნენ.

ფოტოები ახალი სარეკლამო კამპანიიდან: