ამის შესახებ "ნიუპოსტს" თავდაცვის სამინისტროში უთხრეს, როცა აღნიშნული ინფორმაცია გადაამოწმა.

ამავე დროს, აისააფ-ის ოფიციალურ გვერდზე გამოქვეყნებული ინფორმაციით, ორშაბათს, 16 ივლისს ავღანეთის აღმოსავლეთში ტერორისტების მიერ განხორციელებული პირდაპირი შეტევის დროს მართლაც დაიღუპა საერთაშორისო ძალების წარმომადგენელი, თუმცა, მისი ეროვნება იდენტიფიცირებული არ არის.

ჰელმანდის პროვინცია, სადაც ქართული ბაზაა განთავსებული არა აღმოსავლეთ ავღანეთში, არამედ ქვეყნის სამხრეთ-დასავლეთ ნაწილში მდებარეობს.

"ჯიჰადის ხმის" ოფიციალურ ვებგვერდზე გამოქვეყნებული ინფორმაციის მიხედვით, ავღანეთში, ჰელმანდის პროვინციაში აისააფ-ის ტანკზე განხორციელებულ შეტევას ტანკის განადგურება და რამდენიმე ქართველი ჯარისკაცის დახოცვა მოჰყვა.

აღსანიშნავია, რომ ინფორმაციაში მითითებულ ადგილას თავდასხმის ორგანიზების შესახებ ამავე ვებგვერდზე ცნობა 2013 წლის 7 ივნისსაც გამოქვეყნდა, მაგრამ არ დადასტურდა.