იემენში, შიიტურმა შეიარაღებულმა გაერთიანებამ – ჰუსიტებმა საუდის არაბეთის დედაქალაქზე ბალისტიკური რაკეტით იერიში მიიტანეს. ამის შესახებ BBC Al-Arabiya-ზე დაყრდნობით წერს.

რაკეტა ერ -რიადის სიახლოვეს ჩამოვარდა. მსხვერპლის შესახებ ამ დრომდე არ გავრცელებულა ინფორმაცია.

იემენში შეიარაღებული კონფლიქტი 2014 წელს დაიწყო და ამ დრომდე მიმდინარეობს. ერთმანეთს შიიტი მეამბოხე ჰუსიტები და იემენის სუნიტი პრეზიდენტის მომხრეები ებრძვიან. ყოფილი პრეზიდენტი, სალეჰი, ანტისამთავრობო გამოსვლების გამო გადადგა. სწორედ მას უჭერდენ ამბოხებული ჰუსიტები მხარს.

იემენის ამჟამინდელ პრეზიდენტს მანსურ ჰადის არაბულმა ქვეყნებმა მხარდაჭერა გამოუცხადეს. სამთავრობო ძალებს 2015 წლიდან მხარდაჭერას უწევს კოალიცია, რომლის სათავეში საუდის არაბეთი დგას.

იემენის ხელისუფლება და საუდის არაბეთი ჰუსიტების მფარველობაში ირანს ადანაშაულებენ.