"მის ერაყის" ოჯახი მუქარის გამო იძულებული გახდა ერაყი დაეტოვებინა.

საქმე "მის ერაყისა" და "მის ისრაელის" სელფს ეხება, რომელიც ერთი თვის ერაყის წარმომადგენელმა გამოაქვეყნა ინსტაგრამზე. ფოტოს გამოქვეყნებისთანავე, მის ერაყს მოკვლით დაემუქრნენ. ახლა კი გოგონას ოჯახმა ქვეყანა დატოვა. თავად სარას ორმაგი მოქალაქეობა აქვს - ერაყის და აშშ-ის. გავრცელებული ცნობით, მას ერაყის მოქალაქეობის წართმევითაც ემუქრებიან.

როგორც "ინდეფენდენთი" იტყობინება, რომ "მის ერაყმა" 27 წლის სარა იდანმა, "მის ისრაელთან" გადაღებული ფოტო ინსტაგრამზე, ერთი თვის წინ ინსტაგრამზე გამოაქვეყნა:

"მშვიდობა და სიყვარული მის ერაყისგან და მის ისრაელისგან" - წერია ფოტოს აღწერაში, რომელიც ლას-ვეგასში, "მის სამყაროზე" გადაიღეს.

იდანის თქმით, ფოტოს ატვირთვიდან მეორე დღეს ზარებმა გააღვიძა.

"კონკურსის ორგანიზატორებმა დამირეკეს და მითხრეს, სამინისტროს მოთხოვნა იყო, ფოტო წამეშალა, წინააღმდეგ შემთხვევაში, ორგანიზაცია ტიტულს ჩამომართმევდა" - განაცხადა სარა იდანმა.

საქმე იმაშია, რომ ერაყსა და ისრაელს დიპლომატიური ურთიერთობები არ აქვთ. ერაყი ისრაელის სახელმწიფოს არ აღიარებს.

სარამ ფოტო არ წაშალა, თუმცა ახალი პოსტი გამოაქვეყნა და ბოდიში მოუხადა ყველას, "ვინც ჩათვალა, რომ სელფი პალესტინაზე თავდასხმა იყო."

შეგახსენებთ, 45-წლიანი პაუზის შემდეგ, ერაყმა წარმოამდგენელი "მის სამყაროზე" პირველად გაუშვა. კონკურსზე სარა იდანის ბიკინებში გამოჩენამ ერაყში დიდი უკმაყოფილება გამოიწვია.