სერიალი "გაქცევა" მე-6 სეზონით ბრუნდება.

ლინკოლნ ბეროუზის როლის შემსრულებელმა, მსახიობმა დომინიკ პერსელმა, ინტსაგრამზე დაწერა, რომ მე-6 სეზონზე მუშაობენ.

აღნიშნული ინფორმაცია, ტელეარხ Fox-ს ჯერჯერობით ოფიციალურად არ დაუდასტურებია,

შეგახსენებთ, 8-წლიანი პაუზის შემდეგ „გაქცევის“ მე-5 სეზონი მიმდინარე წლის აპრილში გამოვიდა. სერიალის შემქმნელები აცხადებდნენ, რომ მეხუთე სეზონი, ფინალური იქნებოდა, თუმცა, როგორც ჩანს, გეგმები შეიცვალა.

„გაქცევის“ პირველი სეზონი ეთერში 2005 წელს გავიდა და 2009 წლამდე გაგრძელდა. სერიალი ძმების ისტორიას ეხება. ლინკოლ ბეროუზი ციხეში სასიკვდილო განაჩენით ჩასვეს იმ დანაშაულისთვის, რომელიც მას არ ჩაუდენია. ძმის დასახსნელად კი მაიკლი დანაშაულს სჩადის, ციხეში ჯდება და სხეულზე ტატუირებული ციხის გეგმის დახამრებით, ძმა ციხიდან გაჰყავს. რთული და თავგადასავლებით აღსავსე ოთხი სეზონის ბოლო სერიაში მაიკლის საფლავთან არიან შეკრებილები. თუმცა, მე-5 სეზონში გაირკვა, რომ მაიკლი ცოცხალია და მან საკუთარი სიკვდილი ოჯახის გადასარჩენად გაითამაშა.