როგორი საჩუქრები შევარჩიოთ ძაღლის წელიწადის შესახვედრად

ეს საინტერესოა - 23:31, 17 Dec, 2017

4293

2018 წლის დადგომამდე ცოტა დრო რჩება. დროა ოჯახის წევრებისა და მეგობრებისთვის საჩუქრების შერჩევისთვის იზრუნოთ. დამდეგი წელიწადი ძაღლის წელი გახლავთ. ყვითელი ძაღლი მიწის სტიქიის სიმბოლიკით მოდის, რაც იმას ნიშნავს, რომ ამ წლის მთავარი „ტრენდი“ ბუნებრივობა და უბრალოება იქნება. შესაბამისად საჩუქრების შერჩევის კუთხით მნიშვნელოვანია უპირატესობა მივანიჭოთ ნივთებსა და აქსესუარებს რომელიც ბუნებრივი, ეკოლოგიურად სუფთა მასალისგან იქნება დამზადებული. ძაღლი თავისი ბუნებით ოჯახის მოყვარული, პრაქტიკული და წინდახედული არსებაა. შესაბამისად იდეალური საჩუქარი ამ წელს იქნება ნებისმეირი ნივთი რომელიც საოჯახო საჭიროებისთვის გამოიყენება - იქნება ეს სამზარეულოს ატრიბუტიკა, სააბაზანოს ნივთები, რბილი ტექსტილი თუ თიხისგან დამზადებული სამშვენისები. ნუ დაგავიწყდებათ - ძაღლი ბეწვიანი ცხოველია. შეგიძლიათ საახალწლო საჩუქრის სახით უპირატესობა თბილ პლედებსა და ხელთათმანებსაც მიანიჭოთ.

ამასთან ერთად რაკი წლის სტიქია მიწა გახლავთ არანაკლებ აქტუალური იქნება ოთახის მცენარეებისა და შინაური ცხოველების ჩუქებაც საახალწლოდ. შესანიშნავია ასევე არჩევანი შეაჩეროთ ხისა და ბუნებრივი მასალისგან დამზადებულ ნივთებზე, სამკაულებზე რომელიც ბუნებრივი და ძვირფასი ქვებისგან იქნება შექმნილი, აბრეშუმისა და ბამბის სამოსსა და აქსესუარებზე. თუმცა რა ტიპის საჩუქარზეც არ უნდა შეაჩეროთ არჩევანი, მთავარი პრიორიტეტი ძაღლის წელში საჩუქრის შერჩევისას არის მისი პრაქტიკულობა და სიმარტივე.