ჰოლივუდის ვარსკვლავმა, მსახიობმა ჯორჯ კლუნმა, მეგობრებს მილიონ-მილიონი დოლარი აჩუქა. ჯამში 14 მილიონი აშშ დოლარი.

დიახ, ეს სიმართლეა.

ამის შესახებ, ერთ-ერთ შოუში, ჯორჯ კლუნის მეგობარმა და 90-იანების წამყვანი სუპერმოდელის, სინდი კროუფორდის მეუღლემ, მილიონერმა რენდი გერბერმა განაცხადა.

მისი თქმით, კლუნმა მეგობრები ვახშამზე დაპატიჟა. მაგიდაზე კი ყველას ქეისი დახვდა. გერბერის თქმით, მსახიობმა თითოეულ მათგანს მეგობრობისთვის მადლობა გადაუხადა და განუცხადა, რომ მათ გარეშე ცხოვრებაში ვერაფერს მიარჭევდა. შემდეგ კი ქეისების გახსნა სთხოვა.

თითოეულ კეისში 20 დოლარიანი კუპიურებით, ერთი მილიონი დოლარი იყო მოთავსებული.

"თოთხმეტნი ვიყავით და თითოეულმა 1 მილიონი დოლარი მივიღეთ"-იხსენებს რენდი.