„მიუხედავად იმისა, რომ ღირსეული ადამიანი ბევრია, ვლადიმირ პუტინს საპრეზიდენტო არჩევნებზე კონკურენტი ჯერჯერობით არ ჰყავს“, - ამის შესახებ განცხადება პუტინის პრესსამსახურის უფროსმა, დიმიტრი პესკოვმა გააკეთა.

„ვხედავთ ბევრ ღირსეულ ადამიანს, მაგრამ ვერ ვხედავთ კონკურენტებს. გამომდინარე იქიდან, რომ ვლადიმირ პუტინი სახელმწიფოს მოქმედი მეთაურია, რა თქმა უნდა მისი კანდიდატურა ყველანაირი კანონის შესაბამისად ხანგრძლივდება, ისეთივე კანონის თანახმად, როგორც სხვების შემთხვევაში“, - განაცხადა პესკოვმა.

შეგახსენებთ, რომ გასულ კვირას რუსეთის ფედერაციის პრეზიდენტმა ვლადიმერ პუტინმა განაცხადა, რომ მომავალ საპრეზიდენტო არჩევნებში მონაწილეობას მიიღებს.