ილჰამ ალიევი ტრამპის გადაწყვეტილებით შეშფოთებულია - „ისლამური თანამშრომლობის ორგანიზაციის“ ვერდიქტი

მსოფლიო - 10:24, 14 Dec, 2017

2469

„აშშ-ის პრეზიდენტის დონალდ ტრამპის გადაწყვეტილება იერუსალიმის ისრაელის დედაქალაქად ცნობისა და აშშ-ის საელჩოს ამ ქალაქში გადატანის შესახებ, ჩვენში შეშფოთებას იწვევს. ეს გადაწყვეტილება ნეგატიურად იმოქმედებს ისრაელი-პალესტინის კონფლიქტის სამართლიან და ყოველმხრივ დარეგულირებაზე, ასევე შესაძლოა, ჰქონდეს საშიში შედეგები ახლო აღმოსავლეთისთვის. მიგვაჩნია, რომ ამერიკამ უნდა გადახედოს ამ გადაწყვეტილებას“, - ეს განცხადება აზერბაიჯანის პრეზიდენტმა ილჰამ ალიევმა სტამბოლში გააკეთა, სადაც „ისლამური თანამშრომლობის ორგანიზაციის“ სამიტი იმართება.

„ამასთან, ცნობილი ხდება, რომ „ისლამური თანამშრომლობის ორგანიზაციამ“ აღმოსავლეთ იერუსალიმი პალესტინის დედაქალაქად აღიარა და ყველა ქვეყანას მოუწოდა, რომ პალესტინის სახელმწიფოსთან ერთად, აღმოსავლეთ იერუსალიმი მის ოკუპირებულ დედაქალაქად აღიაროს.
სამიტზე მიღებულ რეზოლუციაში ნათქვამია, რომ აშშ-მა დაკარგა შუამავლის როლი ახლო აღმოსავლეთში. „ისლამური თანამშრომლობის ორგანიზაცია“ ვაშინგტონს აფრთხილებს, რომ თუ იერუსალიმთან დაკავშირებული გადაწყვეტილებას არ შეცვლის, მაშინ ყველა შედეგზე პასუხისმგებლობა აშშ-ს დაეკისრება.

ასევე, აღნიშნულ სამიტზე საერთაშორისო თანამეგობრობას იერუსალიმის პალესტინური სახელმწიფოს დედაქალაქად აღიარებისკენ თრქეთის პრეზიდენტმაც მოუწოდა.