შეხვედრას ორმოცდაათამდე ადგილობრივი ახალგაზრდა, ეთნიკური უმცირესობის წარმომადგენლები და ახალგაზრდული პარლამენტის საქმიანობით დაინტერესებული პირები ესწრებოდნენ.

დამსწრე საზოგადოებამ ახალგაზრდა პარლამენტარებს რეგიონში არსებული პრობლემები გააცნეს. მათ ყურადღება სპორტული და კულტურული აქტივობის განუვითარებულობაზე, გარემოს დაცვასთან და დასაქმებასთანაც დაკავშირებულ პრობლემებზე გაამახვილეს.

"საქართველოს ახალგაზრდული პარლამენტი ახალციხის რეგიონში "თვითდასაქმებისა და მეწარმეობის განვითარების" სასწავლო კურსის გამართვას გეგმავს, რადგან ადგილობრივი მოსახლეობის დასაქმება ადგილზევე მოხდეს. სასწავლო კურსების მეშვეობით, ახალციხელებს ბიზნესის წამოსაწყებათ, ბიზნეს გეგმების შემუშავებასა და დაფინასების წყაროების მოძიებას შევასწავლით.ახალგაზრდებმა ყურადღება გაამახვილეს ეთნიკური უმცირესობის პრობლემებზე, ჩვენ საჯარო დისკუსიების მოწყობით ხელს შევუწყობთ პრობლემის გადაჭრის მექანიზმების შემუშავებას." - განაცხადა ადმინისტრაციის ხელმძღვანელმა მარეხი გვარამაძემ.

შეგახსენებთ, რომ საქართველოს ახალგაზრდულმა პარლამენტმა რეგიონებში შეხვედრები მაისის თვიდან დაიწყო. ვიზიტების მიზანია მოხდეს ადგილობრივი მოსახლეობის პრობლემების იდენტიფიცირება და შემდგომში, ამ ყოველივეს ასახვა საქართველოს ახალგაზრდული პარლამენტის მიერ მომზადებულ ოფიციალურ დოკუმენტებში.