სერიალის მოყვარულთათვის კარგი ამბავი გვაქვს.

ოფიციალურად დადასტურდა, რომ HBO-ს ბოლო დროის ერთ-ერთი ყველაზე წარმატებული, "ემის" მფლობელი სერიალი - Big Little Lies მეორე სეზონით დაბრუნდება.

როგორც HBO-ს განცხადებაში ნათქვამია, სერიალის პროდიუსერები თავად ნიკოლ კიდმანი და რიზ უიზერსპუნი იქნებიან, ამავდროულად კი მათი გმირები კვლავ წამყვან როლს შეასრულებენ სერიალში.

Big Little Lies სერიალია, რომელიც სამი დედის ისტორიას ეხება, რომლებიც დაკავშირებულნი არიან ერთი მკვლელობით, რომელიც საბავშვო ბაღის კრებაზე მოხდა.

ჯერჯერობით უცნობია, როდის გამოვა სერიალის მეორე სეზონი. ცნობილია, რომ პირველის მსგავსად, მეორეშიც 7 სერია იქნება.