ირაკლი ფირცხალავა ვაზაგაშვილის მკვლელობის ბრალდებას პასუხობს

საზოგადოება - 14:45, 16 Jul, 2013

798

,,ე. წ პოლიციელის გელა მებონიას განცხადება თავიდან ბოლომდე სიცრუეა, პირველი-მან არ იცის სად მუშაობდა, მთაწმინდის მთავარი სამმართველო არ არსებობს, ეს იყო ძველი თბილისის პოლიციის რაიონული სამმართველო, შემდეგი სიცრუეა - მან განაცხადა , რომ ზურაბ ვაზაგაშვილის მკვლელობის ადგილზე მისვლისას მანქანა იყო გაჭედილი და იქ მშენებლობა მიდიოდა, ეს სიცურეა, 2006 წელს იქ არავითარი მშენებლობა არ მიდიოდა, კორტები ჩვეულებრივად ფუნქციონირებდა, ასევე ის ამბობს, რომ შეძლებდა 4 ოპერით აეყვანა შეარაღებული დაჯგუფება. ეს ადამინი რამდენიმე დღის წინ თავს, რომ პოლიციელად თვლის, ვინმე "სუტინიორმა" ცემა და როგორ შეძლებდა შეიარღებული დაჯგუფების აყვანას, ესეც მისი სიცრუეა.

კიდევ ერთი სიცრუეა, ის ამბობს გასროლა არ იყო და ამას ასკვნის იმით, რომ იგი მივიდა მანქანაში და ლულაზე დასუნა იარაღები, ეს მეტყველებს გამოუცდელობაზე, უბრალოდ თითის მიდებითაც დარწმუნები ეს იარაღი გავარდნილი იყო თუ არა. შემდეგი მისი ცრუ განაცხადია- ის ამბობს , რომ პასაჟირს უკან ჰქონდა იარაღი, არსებობს ვიდეო, რომ გადატენილი მაკაროვი თვითონ უჭირავს და ის ვერ ნახავდა მესამე პასაჟირს სავარძელზე. შემდეგი სიცრუე არის ის, რომ ის არ შესულა შემთხვევის ადგილზე, შესვლის უფლება არავის ჰქონდა, მითუმეტეს მებონია ე.წ პოლიციელი შიგნით ვერ მოხვდებოდა. ერთადერთი სიმართლე რაც მის მონაყოლში არის მისი სახელი და გვარია, არ გამიკვირდება ,ის სულ სხვა სახელით რომ წარსდგეს რამდენიმე დღეში საზოგადოების წინაშე, როგორც კაცს, მინდა თამამად ვთქვა, რომ ერთი ვაზაგაშვილი მირჩევნია 100 მებონიას,“- განაცხადა ირაკლი ფირცხალავამ ,,პირველი რადიოს“ რადიოკლუბში.
ფირცხალავა ასევე პასუხობს მებონიას ბრალდებების იმ ნაწილს, რომელიც გირგვლიანის საქმეს ეხება .

“მებონია ამბობს, რომ 3 საათში გახსნა დანაშაული, ეს სიცრუეა, 3 საათში წარმოუდგენელია ზღვა მასალა მოაგროვო და გახსნა დანაშაული, ეს ადამიანი ვერ ანსხვავებს ოპერატიულ სამძებრო ღონისძიებებს, საგამოძიებო მოქმედებებისგან, მან განაცხადა რომ 3 საათში ეს მასალა ვასაძის კაბინეტში იყო და ეს მასალები ვიღაც მაღალჩინოსანმა გააქრო, აქვეა მერაბ ბაღათურიას ჩვენება, რომ ამბობს რომ რამდენიმე დღეში მან წარუდგინა გამოძიებული მასალები ვანო მერაბიშვილს , ეს ვაჟბატონები უნდა ჩამოყალიბდნენ ერთმანეთში, 3 საათში გააქრეს თუ ბაღათურიას კიდევ სხვა მასალები ჰქონდა და ცალკე იძიებდა“ - განცხადა ირაკლი ფირცხალავამ.