მისი დანახვისას ექიმები ტიროდნენ - ახალშობილ გოგონას გული სხეულს გარეთ ჰქონდა (ფოტოები)

ეს საინტერესოა - 12:36, 13 Dec, 2017

12655

ბრიტანელი ვანელოპ ჰოუფი დეკემბრის ბოლოს უნდა დაბადებულიყო, თუმცა, დედას მისი გაჩენა ბევრად ადრე, 22 ნოემბერს მოუწია, თანაც საკეისრო კვეთით.

მიზეზი კი ბავშვის უცნაური სხეული გახდა.

როგორც Telegraph-ი იტყობინება, მაშინ, როდესაც ნაომი ფინდლი გოგონაზე 9 თვის ორსული იყო, ექოსკოპიამ დააფიქსირა , რომ ბავშვს გული და კუჭი გარეთ ეზრდებოდა, ანუ ეს ორგანოები სხეულში შიგნით არ იყო მოთავსებული.

ნაომი ექიმების მკაცრი მეთვალყურეობის ქვეშ აიყვანეს. საკეისრო კვეთა 25 დეკემბერს იყო დანიშნული, თუმცა 22 ნოემბერს ქალი საშინელმა ტკივილმა გააღვიძა.

„ეს საშინელება იყო. ვგრძნობდი, როგორ მიხურდა მთელი სხეული. ვგრძნობდი იმასაც, რომ შეიძლებოდა ჩემი შვილი ვერასოდე მენახა“ - იხსენებს ნაომი.

ნაომი საავადმყოფოში გადაიყვანეს და ბავშვიც გაჩნდა.

ექისკოპიის ვარაუდი დადასტურდა. პატარას გული სხეულს გარეთ ჰქონდა. გოგონას მამაის თქმით, ახალშობილის დანახვისას ექიმები ტიროდნენ.

მშობლების თქმით, თავიდან, ექიმები აცხადებდნენ, რომ ბავშვის გადარჩენის შანსი, ნოლს უდრიდა. თუმცა, მისი დაბადების შემდეგ ახალშობილის გადასარჩენად ექიმთა 50-კაციანი ჯგუფი შეიკრიბა. მათ გაწერეს გეგმა, როგორ უნდა გადაერჩინათ ბავშვი, ოპერაციამდე კი გოგონა სპეციალურ პარკში მოათავსეს.

3 რთული და ხანგრძლივი ოპერაციის შემდეგ, ბრიტანელი ვანელოპი გახდა პირველი გოგონა, რომელიც აღნიშნულ უიშვიათეს პათოლოგიას გადაურჩა.

ექიმებმა გოგონას გული სხეულში მოათავსეს, მის გარშემო ხელოვნური ე.წ. დამცავი შეუქმნეს და სპეციალური მილებიც ჩაუდგეს, რაც გულს ფუნქციონირებაში დაეხმარება.