თეირანში, 20 წლის გოგონას დაბადების დღის აღსანიშნავ წვეულებაზე უბედური შემთხვევა მოხდა. 2 ახალგაზრდა გოგონა, მათ შორის იუბილარიც მძიმედ დაიწვა. აღნიშნული ინციდენტის ამსახველი ვიდეო სოციალურ ქსელში გავრცელდა. ვიდეოში ჩანს რომ ერთ-ერთ დამსწრე გოგონას იუბილართან ტორტი მოაქვს, წვეულებაზე მყოფი ერთ-ერთი პირი კი ორივე მათგანისკენ „ხელოვნურ თოვლს“ უშვებს, რომელიც მაგიდაზე ანთებულ სანთელსაც ხვდება, საბოლოოდ ცეცხლი „ხელოვნური თოვლის“ კვალს მიჰყვება და ორივე გოგო ცეცხლის ალში ეხვევა.