Mitsubishi-ის მარკის ჯიპს, რომელიც თემქაზე ბავშვთა საავადმყოფოს მიმდებარედ გაჩერდა თავს ორი შეიარაღებული პირი დაესხა. ჯიპში მჯდომ ახალგაზრდა გოგონას და მის თანხმლებ პირ მამაკაცს მანქანიდან გადმოსვლა იარაღის მუქარით აიძულეს. "პირველ რადიოსთან" საუბრისას დაზარალებული გოგონა ჰყვება, რომ მის მეგობარს შეირაღებულმა ბოროტმოქმედებმა იარაღი შუბლზე დაადეს და ფულს და ძვირფასეულობას ითხოვდნენ.

"ჩვენ ცენტრალურ გზაზე გავჩერდით, იმ ადგილას თბილისის ზღვისკენ კიბით ასასვლელია. უცებ ჩემს გვერდით მჯდომს იარაღი მიადეს და მანქანიდან გადმოსვლა გვთხოვეს. იქვე ახლოს სიგარეტების ჯიხურია. ალბათ შეეშინდათ ვინმეს არ დავენახეთ და მანქანის ცენტრალური გზიდან გადაყვანა მოგვთხოვეს. ამის შემდეგ გადმოგვიყვანეს ისევ და ჩვენგან ძვირფასეულობას ითხოვდნენ",-განაცხადა "პირველ რადიოსთან" დაზარალებულმა გოგონამ.

როგორც დაზარელბული "პირველ რადიოსთან" იხსენებს ის შეუძლოდ გახდა, რამაც თავდამსხმელები დააფრთხო. მას შემდეგ რაც დაზარალებულებმა განუმარტეს, რომ თან მხოლოდ მობილური ტელეფონები ჰქონდათ ისინი შემთხვევის ადგილის გაეცალნენ.
დაზარალებული გოგონას ვინაობას "პირველი რადიოს" მისი უსაფრთხოებიდან გამომდინარე შეგნებულად არ ასახელებს.