თურქეთის პრეზიდენტის პრესმდივნის, იბრაჰიმ კალინის განცხადებით, „იერუსალიმის ოკუპანტი სახელმწიფოს დედაქალაქად გამოცხადების მცდელობა, კრახისთვისაა განწირული“.

„ის, ვისაც სჯერა, რომ შეუძლია, წმინდა ქალაქში სტატუს-კვო შეცვალოს და იერუსალიმი ოკუპანტი სახელმწიფოს დედაქალაქად გამოაცხადოს, ტყუილად ირჯება. ჩვენი ქვეყნისა და მის ლიდერზე თავდასხმის ნაცვლად, ისრაელის წარმომადგენლებმა, ჯობია, პალესტინური მიწების ოკუპაცია შეწყვიტონ,“ - განაცხადა კალინმა.

ერდოღანის პრესმდივნის განცხადებით, „იმ სახელმწიფომ, რომელიც ახდენს საერთაშორისო სამართლის ნორმების იგნორირებას, სისტემატურად არღვევს გაერო-ს გადაწყვეტილებებს, ახდენს პალესტინელი ხალხის ძირძველი მიწების ოკუპაციას, პირველ რიგში, საკუთარი ქმედებებზე უნდა აგოს პასუხი."

„თურქეთი კვლავ გააგრძელებს პალესტინელი ხალხის მხარდაჭერას და დაცვას, რომელსაც გარკვეული დაბრკოლებები ექმნება,“ - განცხადა კალინმა.