ამის შესახებ ქედაში მცხოვრებმა გოგოლაურმა გაზეთ "პრაიმტაიმთან" ინტერვიუში განაცხადა.

ამავე აზრზეა გარდაცვლილი ჩვილის მამიდა ნინო რაფალიანცი, რომელიც ამბობს, რომ ეს ეჭვი მას შემდეგ გაუჩნდა, რაც ცხედრის ექსპერტიზის დროს პოლიციელებისგან ვერსიები მოისმინა:

"ექსპერტიზაზე რომ ველოდებოდით, პოლიცია ამბობდა, თქვენ აზრზე არა ხართ ისეთი ვიღაც არის გარეული ამ საქმეში, რომ გაიგოთ თმები ყალყზე დაგიდგებათო", - ამბობს ბარბარე რაფალიანცის მამიდა.

რაც შეეხება ბებიას, მაია გოგოლაური აცხადებს, რომ ვინც ეს ჩაიდინა, კარგად იცოდა, რაფალიანცების სახლში სად რა იყო და ფულიც გადაუხადეს:

"თუ არა შინაურმა, სხვამ ვინ იცოდა იმათ სახლში, სად ქვევრი იყო და სად საწოლი. გამოძიებას ველოდები. მე ისე არ გავჩერდები, რომ ეს საქმე ბოლომდე არ გამოიძიონ. ახლაც გვეუბნებიან, რომ ეჭვმიტანილები გვყავსო. ასე ამბობენ, რომ კვალი შინაურზე მიდისო. ის შინაური ვინ არის კონკრეტულად არ ვიცით.

მე საერთოდ არ მაინტერესებს, ის სხვა შინაური მე ვიქნები, ჩემი შვილი იქნება, თუ იმათი დედა, დეიდა, მამიდა თუ სხვა... ვინც იქნება დაუსჯელი არ უნდა დარჩეს. შეიწირეს... რატომ შეიწირეს ეს მაინტერსებს ძალიან. მე ამას ვფიქრობ, სხვა რა გითხრათ... აბა, უფულოდ ვინ გააკეთებდა?", - ამბობს მაია გოგოლაური "პრაიმტაიმთან".