აშშ-ში, ამერიკის ტანმოვარჯიშეთა ნაკრების ყოფილ ექიმს, 54 წლის ლარი ნასარს, 60 წლით პატიმრობა მიესაჯა. მას ბავშვთა პორნოგრაფიაში ედება ბრალი.

საქმე იმაშია, რომ მიჩიგანის სახელმწიფო უნივერსიტეტის ყოფილ პროფესორს, ივლისის თვეში, კომპიუტერში არასრულწლოვანი ტანმოვარჯიშეების ფოტოები აღმოუჩინეს, რომლებზეც ისინი ტანისამოსის გამოცვლის დროს, მალულად არიან დაფიქსირებულები. როგორც აღმოჩნდა, ექიმად მუშაობის 19 წლის განმავლობაში ნასარს ასეთი 37 ათასი ფოტო დაუგროვდა.

ამავდროულად, რამდენიმე ტანმოვაჯრიშემ ექიმის წინააღმდეგ მისცა ჩვენება. დაზარალებულები აცხადებდნენ, რომ ნასარი მათზე არასათანადო ქმედებებს ახორციელებდა. თავად ბრალდებულმა აღიარა, რომ შვიდ არასრულწლოვან გოგოზე იძალადა.