არასამთავრობო ორგანიზაცია "ქალები მშვიდობისათვის" ხელმძღვანელი ლალი ანთია ყოფილი პრემიერ-მინისტრის ზურაბ ჟვანიას გარდაცვალებასთან დაკავშირებით გაზეთ "ასავალ-დასავალთან" სკანდალურ განცხადებას აკეთებს.

"ახლა რასაც გეტყვით, ამის შემდეგ მიშა მაჭავარიანმა თუ ოდნავი ნამუსი მაინც აქვს შერჩენილი, თავი უნდა მოიკლას. სწორედ მიშა მაჭავარიანი გახლდათ ერთ-ერთი, ვინც ჩემს დარწმუნებას ცდილობდა იმაში, თითქოს ზურაბ ჟვანია ცისფერი იყო! 2007 წლის აგვისტოში პოლიციამ დამაკავა ყალბი დოკუმენტაციის დამზადებაში ვიღაცისთვის ხელის შეწყობის ცრუ ბრალდებით. მიმიყვანეს დიღომში და დამიწყეს საუბარი ზურაბ ჟვანიას თემაზე. თუ მე აღარ ვილაპარაკებდი იმაზე, რომ ზურაბ ჟვანია მოკლეს, თუ ვიტყოდი, რომ ზურა იყო ცისფერი, ერთ საათში გამათავისუფლებდნენ. დათა ახალაია მეუბნებოდა იგივეს, მან მითხრა, თავიდან ამოიგდე აზრი, რომ ჟვანია მოკლესო. მეგრულად მეუბნებოდა ის საცოდავი ცისფერი იყო და შენ რას გაიძახი, რომ მოკლეს, თავი დაანებე ინტერვიუების მიცემასო",- განმარტავს ლალი ანთია.

მისივე თქმით, მაღალჩინოსნების შეთავაზებას არ დასთანხმდა და ციხეში აღმოჩნდა, სადაც სოდ-ის და კუდ-ის თანამშრომლებიკვლავ აგრძელებდნენ მასთან ვიზიტს,როგორც ანთია ამბობს, მერაბიშვილი მაჭავარიანის მსგავსად მის დარწმუნებას ცდილობდა, რომ ზურაბ ჟვანია გეი იყო და ის მარტლაც ბუნებრივი აირით გაიგუდა.

"ციხიდან ორჯერ გამიყვანეს, წამიყვანეს ორთაჭალაში, შინაგან საქმეთა სამინისტროში და ვანო მერაბიშვილს შემახვედრეს. ის მეუბნებოდა, ჟვანიას მე პატივს ვცემდი და ცუდი ურთიერთობა არ გვქონდა ერთმანეთთან, მაგრამ ის ცისფერი იყო და მართლა გაზით გაიგუდა, ამიტომ შენ რად გინდა იმის თქმა, რომ ჟვანია მოკლეს, ნურც იმას იტყვი, რომ სიკვდილის ღამეს ტელეფონზე ელაპარაკეო. ორჯერ შემომთავაზა მერაბიშვილმა ასეთი რამე და ორივეჯერ უარი ვუთხარი, რის შემდეგაც ტელეფონის ერთი ზარით 14 წლიანი პატიმრობა მომისაჯა და შემომითვალა ციხიდან ცოცხალი ვერ გახვალო. ჟვანია მოკლულია სააკაშვილის მიერ, მე პირდაპირ ვადებ ხელს სააკაშვილს ჟვანიას მკვლელობაში!",- აცხადებს ანთია.